اخبار البلد-
انا حابة اعرض مشكلتي عليكم واللي هية ابوي عدواني وبضل يضرب بصورة عنيفة مش انا لحالي كمان خواتي انا بحس حالي مش غلطانة والله وكمان خواتي مش غلطانات لا طلعة ولا نزلة ولا صحبات ولا زيارات ولا تلفزيون ولا نت ولا اي وسيلة ترفيهية بس دراسة وغير هيك ممنوع . دايما ايده والضرب وبحسه كتير ظالم وكمان غير هيك بضرب ماما وما برحم لا كبير ولا صغير . حاولنا اكتر من مجرد تفكير نهرب .
بس كنا خايفين الناس تحكي علينا ومش حلوة نفضح حالنا اخر العمر مهما كان بضل ابونا .
والمشكلة انه اخر مشكلة معه انه اجوا خالاتي ع البيت .وبنت خالتي فايعة كتير وكانت لابسة لبس فايع . طبعا ابوي زعل . وعملنا مشكلة عشان كنت مسشورة شعري وقاعدة معها لانه ما بحب يشفوني بصورة مرتبة حتى بالبيت .
وعن جد بحكي انضربت عشان سشورت شعري .. ياريت تنصحوني وتبعتولي حلولكم .
ملاحظة ابوي بصلي وبعرف الله وما بقطع فرض ومع الناس كليا بختلف
اسيرة سجن غوانتمو
يا ناس اعطوني حل لمشكلة شو بتنصحوني ؟؟؟؟؟؟
