الكاتب: المستشار شفيق الدويك
طول عمري يا خالتي أنا غير عن الناس، يعني جاراتي وقرايبي، بكون رايقه وحاطه إيدي بمي بارده، وجاراتي بفعفطوا مثل الحبه في المقلى، وكل ما سمعوا خبر بصدقوه، ولما تقول للواحد وين الدليل ؟ بكون الجواب: سمعتهم بقولوا.
بصدقوا يا خالتي أخبار بياع الغاز، والفران، وتبعون سيارات لم الحديد، قصدي سرقة الحديد، والتلفزيونات، والراديات، واولادهم اللي بفوتوا عالإنترنت. مهو يا خالتي كل واحد صار بيقدر يكذب ويغيّر الصور مثل ما بدو، ويقلب الباطل حق، والحق باطل، ويعمل من الحبه قُبّــــه.
هظول يا خالتي شويه من تبعون السياسة بكونوا قاعدين يشربوا أرجيله، وبيتصلوا مع شوية مساكين. بيتهبّلوا عليهم بشوية كلام، بينفخوهم عبين ما يصيروا مثل القربه، وبيعطوهم إشاعه، وبتصير الناس تدور فيها بالشوارع والمجالس عشان يروجوها، وتبعون السياسة بيحصدوا من الزرع الوسخ. هاي شغلة معظمهم، وبتصير في البلد بلبله وميمعه، وهات حيّكها عاد.
===
سياسة:علينا أن نركّز في الأوقات الحرجة على جرعات أكبر من العقل ولا نستخدم أية جرعة عاطفة.
لا يزعزع أمن وإستقرار أردننا الحبيب شائعات أو أحداث مفبركة وتلفيقات وسيناريوهات ومقالات غربية فيها تحليلات مسمومة، وتشويهات للحقائق والتي يعرفها الواعون.
لقد أصبح الوعي الأردني في حالة نضج مطلوبة.
إقتصاد:
وكالات التصنيف الإئتماني العالمية ذائعة الصيت، خدعت دولا أوروبية وغير أوروبية، وإمبراطوريات مالية كبيرة قبل أن يصل العالم بأسره حافة الأزمة المالية العالمية. كانت جرعات العقل حينها في إجازة .
= = =
لا تدعوا خديعة أو شرك الإعلام الخبيث يوقع بكم، فهو لا يقدر إلا على الغافل.
