معالي الأخ وزير العمل المحترم: أرجو أن تطلع على هذا المقال
الكاتب: شفيق الدويك - عضو مؤسس جمعية الكتاب الإلكترونيين الأردنيين
هيك يا خالتي تركت الإسمنت و الرمل و البلاط شهرين كاملين في حوش الدار و بدون حتى تلفون تعتذر ؟ تركتني يا خالتي أدوّر عليك في كل الورش مثل الشحاده، و خِربت لبظاعة إللي دافعه دم قلبي عليها !
يا خالتي ما بيكفي النجار أخذ خمسين ليره عشان يعمل طاولات و سط و هاظا وجه الظيف من أول العام !
طلع جنوني يا خالتي منكم، وصرت مثل الحبّه في المقلى. لا التلفزيون صورته زي الناس مكسره، و دافعه عشرين ليره عليه لمصطفى ، و المواسير بتنقط نقطه نقطه و صار عندي على لسطوح بركة سباحه، و دلف السطح عكل الدار !. الله يقطع شرّك يا الشيطان !
يا خالتي يا وجيه: كلكم بتشتكوا الفقر و ما حدا منكم صادق مع الناس و مع مهنته. بس بتاخذوا عربون و بتذوبوا مثل السكر في كاسة الشاي !
وراكم عيال يا خالتي و مصاريف مدارس و أعياد و غيرُه و غيراته و مش معبرين حدا حتى العجايز إللي مثل حكايتي !
طب يا خالتي بدي أسأل سؤال واحد: ليش الحلاق خالد، إبن صفّك بالمدرسه، معاه سياره، و باني بيت بتسرح فيه الخياله، و إشترى لمرته ست أساور عالعيد الماظي ، و بيحكوا شاري مزرعة زيتون مع إخوانه ؟؟؟
مش رايحه أشرب كاسة الشاي حتى لو شو ما عملت، لأنك علّمت أهل بيتك الكذب، و هانت عليك الجيره و صُحبتي مع المرحومه أمك، و كذبت علي أكثر من خمس مرات، وخسّرتني مصاري كثيره . أنا زعلانه من عمـــايلك كثير كثير ... قد الدنيا .
بدي أكتب بالجرايد عشان الحكومه لجديده، الله يفتح عليها، تعمل هيئه قويه تطلب منكم يا أصحاب المهن إللي بتنشفوا ريق الناس و بتخسروهم وقت و مال و جهد و سمة بدن كفاله بألفين ليره، و كل ما الواحد طلب منكم شغله إنها تنعمل بعقد حقوقنا واظحه فيه، و إذا ما عملتوا الحاجه كويسه و على الأصول تاخذ الناس حقوقها منكم بسرعة البرق بعد ما يطلع الكشف، و إذا ما دفعتوا تعويظ بسكروا محلكم اسبوع،
و الله يستر يا خالتي
الكاتب: شفيق الدويك - عضو مؤسس جمعية الكتاب الإلكترونيين الأردنيين
هيك يا خالتي تركت الإسمنت و الرمل و البلاط شهرين كاملين في حوش الدار و بدون حتى تلفون تعتذر ؟ تركتني يا خالتي أدوّر عليك في كل الورش مثل الشحاده، و خِربت لبظاعة إللي دافعه دم قلبي عليها !
يا خالتي ما بيكفي النجار أخذ خمسين ليره عشان يعمل طاولات و سط و هاظا وجه الظيف من أول العام !
طلع جنوني يا خالتي منكم، وصرت مثل الحبّه في المقلى. لا التلفزيون صورته زي الناس مكسره، و دافعه عشرين ليره عليه لمصطفى ، و المواسير بتنقط نقطه نقطه و صار عندي على لسطوح بركة سباحه، و دلف السطح عكل الدار !. الله يقطع شرّك يا الشيطان !
يا خالتي يا وجيه: كلكم بتشتكوا الفقر و ما حدا منكم صادق مع الناس و مع مهنته. بس بتاخذوا عربون و بتذوبوا مثل السكر في كاسة الشاي !
وراكم عيال يا خالتي و مصاريف مدارس و أعياد و غيرُه و غيراته و مش معبرين حدا حتى العجايز إللي مثل حكايتي !
طب يا خالتي بدي أسأل سؤال واحد: ليش الحلاق خالد، إبن صفّك بالمدرسه، معاه سياره، و باني بيت بتسرح فيه الخياله، و إشترى لمرته ست أساور عالعيد الماظي ، و بيحكوا شاري مزرعة زيتون مع إخوانه ؟؟؟
مش رايحه أشرب كاسة الشاي حتى لو شو ما عملت، لأنك علّمت أهل بيتك الكذب، و هانت عليك الجيره و صُحبتي مع المرحومه أمك، و كذبت علي أكثر من خمس مرات، وخسّرتني مصاري كثيره . أنا زعلانه من عمـــايلك كثير كثير ... قد الدنيا .
بدي أكتب بالجرايد عشان الحكومه لجديده، الله يفتح عليها، تعمل هيئه قويه تطلب منكم يا أصحاب المهن إللي بتنشفوا ريق الناس و بتخسروهم وقت و مال و جهد و سمة بدن كفاله بألفين ليره، و كل ما الواحد طلب منكم شغله إنها تنعمل بعقد حقوقنا واظحه فيه، و إذا ما عملتوا الحاجه كويسه و على الأصول تاخذ الناس حقوقها منكم بسرعة البرق بعد ما يطلع الكشف، و إذا ما دفعتوا تعويظ بسكروا محلكم اسبوع،
و الله يستر يا خالتي
