عبرت الفنانة نهال عنبر عن سعادتها بنجاح حسام ابنها فى حياته المهنية مؤكدة أنها دائما تدعمه حتي ينجح ويتفوق أكثر في مجال الإخراج .
وقالت نهال عنبر: "أنا سعيدة جدا بنجاح حملة ابني الإعلانية مع النجم محمد صلاح، وحسام غاوى مقالب، وهو بيصور الإعلان مع محمد صلاح فى لندن، قال له اديني مامتك أكلمها أنا بحبها جدا، وسيبني أنا أكلمها من تليفونك".
وتابعت نهال عنبر" لاقيته بيقولى مساء الخير وأنا معرفش صوت محمد صلاح اوى ، فلاقيته بيقول لى مساء الخير ، انا صاحب حسام تفتكرى مين ، فقولت له ميدو فقال لى لا ، مين تانى مع حسام فى لندن ، فانا استغبيت اوى اليوم ده جبت كل الأسماء ما عدا محمد صلاح ، فلما زهق منى قال لى أنا محمد صلاح، فقلت لا بتهزر وقعدت اتكلمت معاه شوية كان إنسان لطيف أوي ربنا يخليه لينا وهو فخر لينا كلنا." وفق(صدى البلد).
وأوضحت نهال عنبر أنها سوف تقدم هذا العام فى رمضان مسلسل "عودة البارون " مع الفنان حسين فهمي.
