بثت قناة "أحرار 25" مقطع فيديو زعمت أنه منسوب للفريق أول عبد الفتاح السيسي وزير الدفاع والإنتاج الحربي أكدت فيه رغبته في رئاسة مصر، أثناء حواره مع ياسر رزق، رئيس تحرير صحيفة المصري اليوم.

وسأل رزق السيسي، قائلا: هل كنت تحلم بقيادة جيش مصر؟ فرد السيسي: قيادة الجيش المصري ولا أكتر من كده؟ أنا من الناس اللي كان لهم تاريخ طويل من الرؤى، وده ليك إنت يعني، أنا بطلت أتكلم عن المنامات والرؤى من 7 أو 8 سنين؛ لكن أنا دايما كان ليّ منامات ورؤى وشفت كتير جدا من الأمور اللي حصلت بعدها ومحدش قدر يفسرها من 35 سنة.

ورفض السيسي أن يقص رؤياه على ياسر رزق إلا بعدما أخذ منه عهدًا بأنه لن ينشرها في الحوار وقال له رزق "مش هنشرها لألألأ بس هستخدمها بعد كده" فقال السيسي: شفت في المنام من سنين طويلة جدا من 35 سنة إن أنا رافع سيف مكتوب عليه "لا إله إلا الله" باللون الأحمر وإن أنا في إيدي ساعة ضخمة جدا عليها نجمة خضرا والناس بتسألني "اشمعنى انت اللي معاك الساعة دي؟!" فقلت لهم مكتوبة باسمي.

وأكمل السيسي "وفي منام تاني بقى حد قالي هنديك اللي مديناهوش لحد؛ ومن الآخر كنت مع السادات وقالي أنا كنت عارف إني هابقى رئيس الجمهورية قلت له وأنا عارف إني هابقى رئيس جمهورية".

فسأله رزق: حسيت إيه لما شفت صورك جنب صور عبد الناصر ولما عبد الحكيم ابنه قال إنك الأجدر على حكم مصر؟ أجاب السيسي: فيه دعوة بقولها يا رب أكون كده!