كرسي الحلاّق
على كرسي الحلاّق , يجلس اخينا ويجعص ويمكن يحط رجل على رجل , مرة يتبسم , ومرة يكشر , ويطلّع على وجهه بالمرآه وكأنه لأول مرة يشوفه وبده يزبطه وكأنه اول مره يستعمله , يا اخي من اول ما عرفناك وهذا وجهك ما غيره ...... ولسه حرامية البلد ما وصلت لهم تقنيه تغيير الوجوه يعني انت هو انت مش حدا ثالث .
يخلص الشب من موضوع الوجه وهسا دور الشعر كيف يقصه ؟ بصراحه بطل الواحد يستوعب كثير او حتى يفهم موضوع الشعر , على ان ما يحيّر الحلاّق هو موضوع ( السوالف ) , عشان هيك عند اذن كل زبون تلقاه يقول ( كيف بدك السوالف ).
ناس بدهم اياها قصيرة , وناس سوالفهم طويله , او عريضه وساحله ’ رفيعه ونازلة , او مدببه وقصيرة ( مزغمته ) وناس ما بدهم سوالف بالمرة يعني يحلق على الصفر ( زلبطه ) .
وهالخيارات ممكن ينفذها الحلاّق الماهر لأنه بيده الموس والراس ويتحكم بالرقبه , بس ما ننسى ان السوالف رغبه وطلب من الزبون لكن القرار بيد الحلاّق
وبعد ما تقوم عن الكرسي تتفقد حالك وتكت الشعر عن اكتافك وتشوف هل السوالف مثل ما طلبت والا قرر الحلاّق شكل ثاني ولوك جديد بدون ما يوخذ رايك .
يا ترى كم طلب طالبنا به واللي صار غير اللي اتمنينا , لأن صاحب القرار حب تكون السوالف هيك , وكمان هو عارف انه رح يقنعك برأيه ان هذه السوالف انسب لك من غيرها مشان وجهك وشخصيتك وحياتك العائليه لأن حلاّقنا يتدخل بأكثر من هيك كمان .
كثرت المطالب وكثرت الاماني لكن ما حدا اخذ السوالف اللي بده اياها , وهاي البصمه اللي يتركها المسؤول على وجوهنا وفي نفسياتنا , هي فقط لأنه يملك حتى الان الموس وخسر الراس , لأنا بالاخر صفينا مثل العميان اللي واحدهم يروح يحلق لكن حلاقته مش مثل ما طلب لا بل مثل ما قرر حضرته .
والان انتهت الحكايه ولازم الحلاّق يترك الكرسي لغيره , و ممكن يجي حلاّق يقص ويحلق للناس مثل ما تحب وبدون ما تتدخل يد الشيطان في ملامح وجوهنا وفي دواخل نفوسنا ولازم يعرف حلاّق القريه انا مش عميان ولا طرشان وانا متابعين خطوات تعليمه لفن الحلاقه من زمان , يعني من ايام ما كان صبي بالصالون يلم الشعر وينظف العده الى ان اصبح يعرف يمسك الموس ويصير حلاّق الهانم .
وعلى فكره تقدر كل القريه تستغني عنه او تصير تحلق لبعضها وعلى مرأى الاشهاد .
بكفيك اتعلمت الحلاقه برؤوس الايتام , واشكالنا بدت غريبه وسوالفنا مش مثل ما طلبنا , اضافة انه ادواتك باليه وافكار الحلاقه الادارية عندك قديمه , وموسك الان ما يقطع شعرة ومرآتك متكسره وتظهرلك صورك كالشبح .
واعتقد انك لما تسلم الكرسي قريبا للحلاق التالي ستجد نفسك مطالب بعده جديدة لكنك لن تستعملها , لا بل سوف تكون الزبون الاول اللي يقعد على كرسي كان له بس الحلاق جديد ورح يعملك قصة وشكل لسوالفك رح يكون صرعة وموضة 2013 ورح يشوف سالفتك كل اللي حاولت تقص شعره وما قدرت لأن ادواتك انتهت مدتها وموسك تم سحبه منك لعدم معرفتك طريقة الاستعمال الحديث له .........
فيصل البقور
على كرسي الحلاّق , يجلس اخينا ويجعص ويمكن يحط رجل على رجل , مرة يتبسم , ومرة يكشر , ويطلّع على وجهه بالمرآه وكأنه لأول مرة يشوفه وبده يزبطه وكأنه اول مره يستعمله , يا اخي من اول ما عرفناك وهذا وجهك ما غيره ...... ولسه حرامية البلد ما وصلت لهم تقنيه تغيير الوجوه يعني انت هو انت مش حدا ثالث .
يخلص الشب من موضوع الوجه وهسا دور الشعر كيف يقصه ؟ بصراحه بطل الواحد يستوعب كثير او حتى يفهم موضوع الشعر , على ان ما يحيّر الحلاّق هو موضوع ( السوالف ) , عشان هيك عند اذن كل زبون تلقاه يقول ( كيف بدك السوالف ).
ناس بدهم اياها قصيرة , وناس سوالفهم طويله , او عريضه وساحله ’ رفيعه ونازلة , او مدببه وقصيرة ( مزغمته ) وناس ما بدهم سوالف بالمرة يعني يحلق على الصفر ( زلبطه ) .
وهالخيارات ممكن ينفذها الحلاّق الماهر لأنه بيده الموس والراس ويتحكم بالرقبه , بس ما ننسى ان السوالف رغبه وطلب من الزبون لكن القرار بيد الحلاّق
وبعد ما تقوم عن الكرسي تتفقد حالك وتكت الشعر عن اكتافك وتشوف هل السوالف مثل ما طلبت والا قرر الحلاّق شكل ثاني ولوك جديد بدون ما يوخذ رايك .
يا ترى كم طلب طالبنا به واللي صار غير اللي اتمنينا , لأن صاحب القرار حب تكون السوالف هيك , وكمان هو عارف انه رح يقنعك برأيه ان هذه السوالف انسب لك من غيرها مشان وجهك وشخصيتك وحياتك العائليه لأن حلاّقنا يتدخل بأكثر من هيك كمان .
كثرت المطالب وكثرت الاماني لكن ما حدا اخذ السوالف اللي بده اياها , وهاي البصمه اللي يتركها المسؤول على وجوهنا وفي نفسياتنا , هي فقط لأنه يملك حتى الان الموس وخسر الراس , لأنا بالاخر صفينا مثل العميان اللي واحدهم يروح يحلق لكن حلاقته مش مثل ما طلب لا بل مثل ما قرر حضرته .
والان انتهت الحكايه ولازم الحلاّق يترك الكرسي لغيره , و ممكن يجي حلاّق يقص ويحلق للناس مثل ما تحب وبدون ما تتدخل يد الشيطان في ملامح وجوهنا وفي دواخل نفوسنا ولازم يعرف حلاّق القريه انا مش عميان ولا طرشان وانا متابعين خطوات تعليمه لفن الحلاقه من زمان , يعني من ايام ما كان صبي بالصالون يلم الشعر وينظف العده الى ان اصبح يعرف يمسك الموس ويصير حلاّق الهانم .
وعلى فكره تقدر كل القريه تستغني عنه او تصير تحلق لبعضها وعلى مرأى الاشهاد .
بكفيك اتعلمت الحلاقه برؤوس الايتام , واشكالنا بدت غريبه وسوالفنا مش مثل ما طلبنا , اضافة انه ادواتك باليه وافكار الحلاقه الادارية عندك قديمه , وموسك الان ما يقطع شعرة ومرآتك متكسره وتظهرلك صورك كالشبح .
واعتقد انك لما تسلم الكرسي قريبا للحلاق التالي ستجد نفسك مطالب بعده جديدة لكنك لن تستعملها , لا بل سوف تكون الزبون الاول اللي يقعد على كرسي كان له بس الحلاق جديد ورح يعملك قصة وشكل لسوالفك رح يكون صرعة وموضة 2013 ورح يشوف سالفتك كل اللي حاولت تقص شعره وما قدرت لأن ادواتك انتهت مدتها وموسك تم سحبه منك لعدم معرفتك طريقة الاستعمال الحديث له .........
فيصل البقور
