أطلت المطربة الإماراتية أحلام في حلقة جديدة من العروض المباشرة من برنامج (The Voice)، الذي تشارك فيه كعضو لجنة تحكيم إلى جانب كل من إليسا، محمد حماقي وعاصي الحلاني.

ظهرت أحلام في الحلقة بإطلالة بعيدة تماماً عن الأناقة والبساطة، ما جعلها محط سخرية الجميع ومن ضمنهم كان ناقد الموضة إيلي حنا الذي لا يفوت فرصة التعليق على أغلب إطلالات نجمات الوطن العربي.

وصف إيلي حنا إطلالة أحلام بـ "لوك الجدة” وسخر منها بشدة من خلال صفحته على موقع الـ Instagram، حيث كتب:

(اطلالة احلام الشامسي بحلقة مس من برنامج The Voice بعنوان "لوك الجدة”….بتتذكروا لما من كام يوم اعطيت لوك يارا هاللقب؟؟ من بعد حلقة امس من ذو فويس قررت اسحب اللقب من يارا و اعطيه لأحلام. ما فهمت الخبيصة يلي عاملتها احلام بهاللوك.ل يلي قاعدين عم يبيضوا طناجر و يعبروا عن اعجابهم باللوك و يلي رح يصفرنوا قد ما حبوه… رح فصّل اللوك لتفهموه لاني اكيد انكم ما فهمتوا فكرته).

تابع: (احلام لابسة Leggings اسود مع top سوداء… و فوقهم لابسة قميص نوم من الساتين و الدانتيل تصميم غوتشي… و فوق الفستان لابسة كنزة ستي الصوف كمان من غوتشي… و ت يكمل لوك الجدة عملت تسريحة الجدة و لبست نظارات الجدة (المرصعة بالالماس)…. يعني لوك خبيصة او لأ؟؟؟ يعني اللوك مش حلو ابدا ولا مناسب احلام ولا مناسب للحلقات المباشرة… و تفاجات بآخر كام اطلالة لأحلام بصراحة لانها بالفترة الماضية كانت اطلالاتها اكثر اناقة. و اطلالة احلام مكلفتها شي 25 الف دولار تقريبا لانه كلها من غوتشي بالاضافة للنظارات و العقد يلي حاطته… و الاطلالة ما بتستاهل هالمبلغ ابدا. شو رأيكم بالاطلالة؟).

ختم ناقد الموضة تعليقه قائلاً: (و هلأ بيطلع واحد بيقلي "مقهورييين”… حبيبي ليش انقهر؟؟ اذا كل فنانة انتقدت اطلالتها بدي انقهر منها رح قضّي حياتي قهر بقهر انا بصراحة ما بنقهر منهم، بنقهر عليهم!! او بيطلع واحد ثاني بيقلي "اطلالتها و نظاراتها بتشتريك”… حبيبي اذا انت بتشوف قيمة الانسان بالفلوس ف انت متربى هيك ببيتك بين اهلك ما بلومك، بس انا اهلي ربوني انه الانسان يقاس باحترامه و ثقافته و مستواه العلمي (و الحمدلله عندي ياهم)…. فهالكلام استباقاً لتعليقات المتخلفين و المحدودين يلي بيعتبروا كل الناس بتنشرى بالمال مثلهم و سبق و علقوا بهالطريقة على بوستات معينة عندي).

وأنتم.. ما رأيكم بإطلالة أحلام؟