أكمل مع فيروز يوماً آخر، وأختار من أغاني الحب والعاطفة والحنين.
لفيروز أغانٍ كثيرة تُحدِّث فيها الطيور، وربما كان بعض هذه غير معروف خارج لبنان، إلا أنه موجود.
هي قالت: دخلك يا طير الوروار/ رحلك من صوبن مشوار/ سلملي عالحبايب/ خبرني بحالن شو صار. وقالت أيضاً: يا حجل صنين بالعلالي يا حجل صنين بالجبل/ خبّر الحلوين على حالي/ خبّر الحلوين يا حجل. ولها: يا طيرة طيري يا حمامة/ وانزلي بدمر والهامة/ جيبي لي من حبّي علامة/ هالأسمر أبو الخال.
وضحكت وهي تغني: تك تك يا أم سليمان/ تك تك جوزك وين كان/ تك تك كان بالحقلة/ عم يقطف خوخ ورمان/ يا ستي يا ست بدور/ شوفي القمر كيف بيدور/ والناطورة بدها شمس/ والشمس بعقد المرجان.
ولها أغنية حفظت منها بيتين هما: دقت على صدري وقالت لي افتحو/ تاشوف قلبي إن كان بعدو مطرحو/ وإن صح ظني وشفتلو عندك رفاق/ بسترجعو وما بعود خليك تلمحو.
وغنت لسعيد عقل: ردني إلى بلادي/ مع نسائم غوادِ/ مع شعاعة تغاوت/ عند شاطئ وواد/ مرة وعدت خذني/ قد ذبلت من بعاد.
ومن أغنيات فيروز التي لا تُنسى قولها: ردّي منديلك ردي/ بيضا والشمس حدّي/ بكره بيجي محبوبك وبلاقيك مسودّة/ ردي ردي الشمسية/ خليها ترف عليّ/ لما عيونك بتفيي/ وراق الزنبق بتندّي. ولها أيضاً: يوم ويومين وجمعة/ وشهر وشهرين/ تعبت بعيني الدمعة/ وين رايح وين.
ومن أجمل أغانيها: بكير طل الحب عا حيّ لنا/ حامل معو عتوبي وحكي ودمع وهنا/ كنا وكانوا هالبنات مجمّعين/ يا أمي ما بعرف ليش نقاني أنا/ جايبلي سلام عصفور الجناين/ جايبلي سلام من عند الحناين.
وأبقى مع الحب والحنين وفيروز تغني: علموني حبك علموني/ على حبك فتحولي عيوني/ والتقينا وانحكى علينا/ علموني حبك ولاموني.
وحفظت لها: سمرا يا أم عيون وساع/ والتنورة النيلية/ مطرح ضيّق ما بيساع/ راح حطك بعينيّ/ يا عيني عا هالعينين/ العا دنية ورد انفتحوا/ وكيف ما التفوا عالمَيْلين/ عيون عيون بيندبحو.
ولفيروز أغنية ربما لم يعد يحفظ بعض أبياتها غيري. مطلعها: طيري يا طيارة طيري/ يا ورق وخيطان/ بدّي إرجع بنت زغيرة/ على سطح الجيران/ وينساني الزمان.
وحفظت لها صغيراً مقطعاً من أغنية جميلة جداً: بكتب إسمك يا حبيبي عالحور العتيق/ بتكتب إسمي يا حبيبي عا رمل الطريق/ بكرا بتشتّي الدني عالقصص المجرّحة/ بيبقى إسمك يا حبيبي وإسمي بينمحى.
وأزيد: سهار بعد سهار/ تايحرز المشوار/ سهار هَوْ زوار/ شويّ وبيفلوا/ وعنّا الحلا كلو/ وعنّا القمر بالدار/ ورد وحكي وأشعار/ بس سهار. (بيفلوا معناها يذهبون).
ولا أنسى: شتّي يا دنيا تا يزيد موسمنا ويحلى/ وتدفق مي وزرع جديد بحقلتنا يعلى/ خليلي عينك عالدار/ عسياج اللي كلو زرار/ بكرة الشتويّة بتروح/ ومنتلاقى بنوّار (أيار - مايو).
وأختتم ببداية أغنية جميلة تقول فيها: أمي نامت عا بكّير/ وسكّر بيي البوابة/ وأنا هربت من الشباك/ وجيت لعند العزّابة/ شباكي بعدو مفتوح/ والبرداية عم تلوح/ إن عرفوا أهلي بغيابي/ يا دلّي وين بدّي روح.
أقول لفيروز تعالي عندنا. مكانك في القلب.
