القاهرة ـ نشرت فتاة مصرية عبر صفحتها على موقع التواصل الاجتماعي "فيسبوك” قصة جريمة تحرش تعرضت لها أختها في الميكروباص.
ونشرت القصة أميرة بهاء الدين قائلة "في الميكروباص.. أختي قاعدة ف الكرسي اللي قبل الأخير وانا جنبها و قاعد وراها واحد لابس بدله و شكلو يقال عليه ابن ناس″.
وأضافت الفتاة: "أختي بتقولي حسيت بحركة غريبه و ضل جمبي.. فتحت كاميرا الموبايل اللي قدام و روحت ببص لقيت ايد الحيوان اللي ورا كل شويه بيقربها مني.. صورتها”.
وحول رد فعل أختها بعد أن قامت بتصوير يد المتحرش قالت "ادورت و قولتلو لو متلميتش هقلع الجزمه و هديلك على وشك و اتعدلت.. لقيتو بيبرطم بالكلام و بيعلي صوته..الناس طبعاً في ايه يا آنسه في ايه!! روحت قولتلهم الزباله القذر اللي مش محترم ايدو كل شويه تقرب عندي .. قالهم محصلش دي بتتبلى عليا”.
واختتمت الفتاة قصة أختها على "فيسبوك” قائلة :”روحت مطلعه الصورة و وريتها للناس و بصقت في وجه و قلت له كلمه زيادة والله لحط الجزمه ف بوقك وما هسيبك الا في القسم.. طبعاً الناس متوصوش و السواق عمل معاه الواجب .. و خد علقه مياخودهاش حمار ف مطلع″.
