أخبار البلد - الفنان الكوميدي مصطفى هريدي اللي ضحكنا من قلبنا في فيلم عمرو وسلمى, وإرتبط في أذهلنا بصورة الشاب الفكاهي ومعظم جمهوره ومحبيه عندهم فضول يعرفوا سبب مرضه المفاجئ وإبتعاده عن الساحة الفنية.
كانت بدايته الفنية وهو في إبتدائي في السعودية مع والده، وكان من ضمن فريق التمثيل الديني ومن كتر إعجابهم بيه كانوا أساتذته في المدرسة بيقدموا ليه الجوايز في طابور المدرسه.
وبعد طول غياب عن الساحة الفنية فاجأ الفنان مصطفى هريدي الجميع بظهوره في إعلان مع الفنان تامر حسني والفنانة نانسي عجرم في رمضان 2020 لصالح شركة من شركات الإتصالات ظهر في مشهد مُلفت وخطف أنظار الناس ليه بتغيير شكل شعره اللي إتحول لشعر أبيض وظهر بشكل أكبر من عمره اللي الناس كانت متعوده عليه .
ومن بعد ظهوره تسائل الناس عن سبب إختفاءه لسنين.
فكان تامر حسني حريص إنه يوجه كلمات لمصطفى على حسابه الشخصي إنستجرام، وكشف للجمهور عن سبب إختفاءه عن الساحة الفنية لفترة طويلة، وهو إنه عانى من الإكتئاب وسافر ودلوقتي رجع بصحة كويسة وبقوة علشان يشتغل في الفن من تاني .
وتعدد الأقاويل اللي إنتشرت
منهم إن المخرجة أيناس الدغيدي اتهمته بفشل فيلم مجنون أميرة بعد مشاركته في البطولة المطلقة فيه ودة آثر علي نفسيته وقرر يسافر.
لكن مصطفي هريدي صرح وقال إنه في سنة ٢٠١٢ بعد مشاركته في فيلم القنصل مع أحمد السقا
سافر الأردن بسبب الأحداث اللي حصلت في البلد وقتها وإن الوضع أثر عليه نفسيا ومكانش عارف يشتغل بشكل كوميدي.
قدر يتميز مصطفى هريدي ويسيب بصمه في أدواره بأدائه الكوميدي في كتير من أعماله الفنية، اللي مش ممكن ينساها الجمهور من خلال مشاركته للفنان تامر حسني سنة 2007 فيلم "عمر وسلمى" وفضلت معلقة في أذهان الجمهور.
وكمان فيلم "التجربة الدنماركية" وحبيبي نائما وغيرهم من الأعمال اللي أمتعنا بيها .
و شارك في مسرحية "بودي جارد" لمدة 5 سنوات.
وبرع في تقديم مسلسل لمعي القط ، ليالي الحلمية6 ، سكة الهلالي.
يذكر انه إتولد يوم 8 ديسمبر سنة 1975 وعمره حاليا 45 سنة.
إتخرج من كلية الحقوق سنة 1995.
إكتشفه المطرب هشام عباس وقدمه في الكليب الخاص بأغنيته "أمي الحبيبة".
قال مصطفي في تصريح إنه فخور بالتمثيل مع الزعيم عادل إمام وحالفه الحظ في المشاركه معاه في عدد من الأعمال منهم " عفاريت عدلي علام " ، " وفيلم مرجان أحمد مرجان ، وآخر عمل شارك فيه معاه هو " مسلسل فلانتينو".
