أخبار البلد - بالرغم من إنه توفي سنة 1998 إلا أن إفيهاته لسه بنرددها لحد دلوقتي وخصوصًا لما لعب دور "الهرم" فى فيلم "الكيت كات" لسه بنستخدم كلامه لحد دلوقتي هو الكوميديان الجميل " نجاح الموجي " هنستعرض معاكوا النهاردة تفاصيل عن حياته وسبب اللي خلى أنغام تقاضيه وكمان التفاصيل الكاملة وقت وفاته.
اسمه الحقيقي عبد المعطي محمد حجازي الموجي وسبب اسم شهرته "نجاح الموجي " إنه اخد اسم أخوه الكبير اللي كان أكبر منه ب 10 سنين وإتوفي وكان عنده ضمور في ايديه فحب يخلد ذكراه . إتولد في قرية ميت الكرما في محافظة الدقهلية سنة 1945.
وعنده 14 أخ كلهم انتقلوا للإقامة في القاهرة بالتحديد في حدائق القبة.
رفعت أنغام عليه قضية لما سخر منها ومن فنانين كتير وقت عرض مسرحية "لا مؤاخذة يا منعم" وقال عليها "ألغام " وإتهمته بالسب .
عنده بنتين واحده منهم مذيعة في التليفزيون المصري وهى " أيتن الموجي " وهى اللي عاشت معاه الساعات الآخيرة في حياته إتعرض وقتها لوعكه صحيه ومن شدة تعبه كان بيضرب بإيده على بلكونات الشقة وبيصرخ ويقول " يارب " حاولت أيتن تجيبله عربية إسعاف تنقله المستشفى لكن لقت واحدة عطلانه والتانية السواق كان في إجازة سابت والدها ونزلت تجيبله دكتور رجعت لقته توفي عن عُمر يناهز 53 سنة إتوفى يوم الجمعة 25 سبتمبر سنة 1998 أثر أزمة قلبية.
بدأت حياته الفنية في أواخر الستينات مع ثلاثي أضواء المسرح وقدمه للتمثيل المخرج محمد سالم والفنان جورج سيدهم من خلال مسرحية فندق الأشغال الشاقة بعد تخرجه من المعهد العالي للخدمة الاجتماعية اللي دخلها بعد لما سقط في مادة الإنجلش في كلية التجارة.
من أهم أعماله المسرحية وكل الناس عرفته بيها لما جسد شخصية "الواد مزيكا" في مسرحية "المتزوجون" اللي حققت نجاح كبير والدور ده اللي نقل الموجي من الأدوار الثانوية لإدوار البطولة المشتركة.
وبعد لما نجح في المتزوجون تملكه الغرور وفضل يرفض في الأدوار الثانوية لحد لما فضل 4 سنين من غير شغل وبعدها إضطر يشتغل في سهرات تليفزيونية سنة 1984 وكان أجرة وقتها 4 جنية وبعد لما دوره انتهى رفض ياخد المبلغ لإنه حس بالإهانة .
من أهم أعماله الفنية "أربعة في مهمة رسمية، الحريف، طأطأ وريكا وكاظم بك، التحويلة، البحر بيضحك ليه، كيت كات، والعائلة، الفلوس، أهلا بالسكان، سر الأرض، بوابة الحلواني، لا مؤاخذه يا منعم، المتزوجون، دلع الهوانم، الورثة، ملك الشحاتين".
بدأت إنطلاقته التليفزيونية من خلال مسلسل "أهلا أهلا بالسكان". وبدايته الحقيقية في السينما كانت في فيلم "أيام الغضب"، واللي بسببه أخد جايزة لجنة التحكيم الدولية في مهرجان دمشق السينمائي.
