بدي أصير وزير !!!!!!!
- الخميس-25-10-2011 10:06:50 |
أخبار البلد -
بدي أصير وزير !!!!!!! المنصب الجاه السلطة المسؤولية ... ليش بحب الناس المسؤولية لا أعرف أظن إنها أصبحت موضة العصر أو نوع من أنواع البرستيج أو أنها في الأغلب وراثة فالوزير ابنه وزير والحراث ابنه حراث . مثلي مثل غيري حاب أصير وزير ولزقت بجنب التلفون وأعلنت الطوارئ في الدار ومش بس الدار دوشت أهل الحاره كمان قلت بيجوز يحكوا معي تعال إنت وزير ... بس يا حصره أبوي متقاعد ضمان راتبه اقل من راتب المعونة الموزع على المستحقين وغير المستحقين ... كيف بدي أصير وزير ومش أي وزير .... وزير ديجتال الحق على ديوان الخدمة المدنية إلي بعده حاطني على الدور ما بعرف المدة ومع ذلك بعدني بدور على واسطة من العيار الثقيل كلهم إلهم وزن أنا أعتذر ليش بلوم ديوان الخدمة ... علي بالإعلام بدي أصاحب واحد من المذيعين بس مشكلتهم عليهم أكثر من مسؤول المدير العام والمساعد ومدير الاستديو حتى المراسل صار يدخل في كل شي بطلت ما بدي مذيع... أحسن لي أروح عند وجه معروف صاح منه فنجان القهوة وقال أوف أوف ودق على صدره وبعد هيك ضيع تعويض الضعوف وقال ما بدنا عوض وضاعت بين الجاهات والعطوات واجرة باصات وسيارات تشتغل على بنزين كل يوم بسعر موصوف وحلت قلاية البند وره بدل سدر المنسف المعروف ومع هيك بدي أصير وزير وبدي هالمره أعتمد على حزب أو سياسي شعاراته برق ورعد يخوفوا خوف ومالهم حكي إلا عن الفطبول والجيش حامي الوطن وحامينا من كل حيف والإصلاح بدهم إياه يوم مسيرات ويوم إعتصامات والمواطن وراهم مسكين ملهوف ... بطلت مابدي وزير عن ها لطريق مثل ما قلت برق ورعد بدون ميه سقعه وبرد والباقي معروف الميه في الشوراع مهدروه على المكشوف ... طموحي كبير وهدفي أصير وزير ولو يوم وبعدين يصرفولي تقاعد من الألف وفوق والله يبعد عنا ديوان المحاسبة ... قولوا أميييييييييين . وزير ..... وزير صرت أحلم بأني وزير المشكلة كيف بدي أصير وزير احترت وعجزت دلوني ما ظل إلي إلا أشتغل في مصنع براتب كبير (150 ) دينار لا تحسدوني بكفي أجرة الدار والباقي الخبز والحمص بدون زيت زيتون سلف ودين ... بس طموحي أصير وزير وسمي حالي معالي بعد شوي صحتني زوجتي وهنتني بالسلامة وقالت لي كنت يازلمه مفلوز وبتهذي وهي الرفنيييين بجنبك وصفة أحسن دكتور قوم لحق حالك طريق الأزرق جور ومطبات بده ( 50 ) مليون معليش شوي فكرت حالي بعدني بحلم بدي أصير موظف بلديه بالسنة يداوم يوم وعند الراتب بدافش على الدور . ابراهيم خطيب الصرايره كاتب وباحث في الشؤون العامة
