قالت الفنانة رانيا يوسف، إن انتقاد الجمهور لها بسبب فستانها في ختام مهرجان القاهرة السينمائي 'شيء طبيعي'، مضيفة: 'أنا نفسي اضايقت من الصور، فطبيعي الناس تضايق، والناس كان عندها حق في النقد'.

وأضافت 'يوسف'، خلال مداخلة هاتفية في برنامج 'مساء DMC'، مع الإعلامية إيمان الحصري، على قناة 'DMC': 'أنا دخلت الحمام وعدلت البطانة والفستان، بس عقبال ما دخلت الحمام كنت أتصورت بالفعل، وبعتب على الناس اللي صورتني من ورا وفي الموقف ده بالذات، لأن الموقف ده يتعرض له الكثيرين'.

وتابعت: 'أنا متخيلتش حجم اللي حصل، كان ممكن يكون فيه رد فعل أحسن من كدة، ولادي في موقف مش حلو ومخضوضين وخايفين عليا'.