كتب الزميل محمد راكان القداح 

بصراحة، اليوم رئيس مجلس النواب أحمد الصفدي أبدع بمعنى الكلمة. وقف قدّام جلالة سيدنا وسمو الأمير الحسين، وحكى باسم كل واحد فينا… حكى من القلب، وبلهجة الجندي اللي فعليًا خدم بهالتراب، مش بس من ورا المكاتب، بل من الميدان ومن ميادين الشرف.

لما قال: "أنا مش بس رئيس مجلس نواب، أنا جندي بخدم القائد والوطن”… هون الكلمة ضربت بالوجدان، لأنّه فعليًا الصفدي ما كان بحكي بروتوكول، كان بحكي من عمق التجربة ومن صميم الانتماء.

وحكايته عن شيبات سيدنا… يوم قال: "كل شيبة من شيبات جلالة الملك إلها قصة”… هاي ما كانت جملة، هاي كانت رسالة وفا واحترام لسنين تعب وسهر عشان هالوطن يضل مرفوع الراس.

وما نسي شهداء الوطن، اللي خدموا بعهد جلالة الملك عبدالله… وقف ورفعهم بكلمته، وقالها بكل فخر، إنّهم هم عنوان التضحية والكرامة.

الصفدي اليوم مثّلنا كلنا، ورفع اسم المجلس، ورفع اسم الأردن. كلمة نابعة من القلب، ومليانة هيبة وصدق ورجولة.

عن جد، نرفعلك القبعة يا أبو زيد … كنت على قدّ المقام، وكلمتك تاج على روسنا.