خلال ندوة تكريمها على هامش فعاليات الدورة السادسة من "مهرجان الجونة السينمائي"، كشفت الفنانة يسرا أنها كانت ترغب بأن تكون مثل الفنانة الراحل سعاد حسني في مشوارها الفني بالقول: "لما شوفت سعاد حسني حسيت إن في ألماظتين طالعين من عنيها، كنا في المعمورة، وإحنا ماشيين المشهد كان بيصغر كده، فأنا وقتها كلمت ربنا وقولت هو أنا ممكن أكون زيها، دي اللحظة اللي أنا حلمت بيها وألهمتني إني أكون زيها"
وأضافت: "أستاذ عبد الحليم نصر سمع عني وقعدني، كان أهم مصور في الوقت ده، فقعدني في مكان معاه هو والأستاذ حسين الصباح، في شكل دايرة عشان يشوف زوايا وشّي، وقالي هديكي أول بطولة، طبعاً مكنتش مصدّقة نفسي، وأخدت بطولة من أول فيلم عملته... عملت 20 فيلم منزلوش، وكانوا مسميني وقتها النجمة المعلبة زي الزيتون كده، وبقيت أقول إيه هو أنا هعمل أفلام وتتحط في العلب بس، أوقات كنت بقدم 6 أفلام في اليوم، وبطلع من الأوردر ده على الأوردر ده"
وعن علاقتها بزوجها رجل الأعمال خالد سليم، قالت يسرا إنه "حب عمرها"، مؤكدةً: "الحب هو كل حياتي أنا معرفش أقعد مع ناس مش بحبهم، الحب اللي بجد معناه قوي واللي يعرف يحب يعرف يسامح ويتغاضى، وحبيت كتير بس أكبر حب في حياتي بدون شك هو خالد زوجي، ده حب عمري"
وتابعت: "علاقتي بالفلوس إني مش عايزة أحتاج لأي حد، عايزة أبقى مستورة ومش عايزة حاجة من حد ولا أبقى مديونة لحد، وعلاقتي بربنا هي اللي قوّتني في كل ظروف حياتي، وعلاقتي بيه روحانية جداً وإيماني بالله أكبر سند ليا"
وكشفت يسرا عن علاقة سابقة في حياتها قائلةً: "مفيش أزمة مهزمتنيش في البداية، وكنت بفكر إزاي أنتصر عليها بعدين، وده اللي خلاني أطبطب على نفسي وأقول معلش أنتي هتعدي حتى لو في جرح هيخليكي أقوى وأصلب، بندم على حاجات كتير لما باخد قرارات سريعة وفي فترة من حياتي اخترت شخص ما غلط ارتبطت بيه، والتسرع في الحاجات اللي زي دي بيكون غلط"
وعن مشوارها الفني والأعمال الفنية الكثيرة التي تُعرض عليها في هوليوود وفرنسا وسبب عدم موافقتها عليها، قالت يسرا: "جالي فرص في هوليوود وفرنسا واعتذرت عنها، السيناريو معجبنيش واتعرض عليا مليون دولار بس ما الشغل وحش، وأي بلد ليها أجندة معينة أنا مقبلتهاش، وأنا هنا نمبر وان في كل الوطن العربي وليا مكانتي، ليه أروح هناك وأكون نمرة 12؟"
وعن علاقتها بالفنان عادل إمام، بعد أن جمعهما 17 فيلماً، قالت يسرا: "أنا غنية بتجاربي مع كل الأستاذة اللي مريت في حياتي معاهم، عملت مع عادل إمام 17 فيلم، عادل لذيذ ودمه خفيف ورا الكاميرا، وبيبقى حافظ كل عامل اسمه ايه، بيخلي الحياة لذيذة وسهلة وممتعة، وبيحب ينقي مواضيع مهمة، كل فيلم يبقى وراه مغزى"
وعن فيلم "الأفوكاتو"، الذي قدّمته مع الفنان عادل إمام في عام 1983، قالت يسرا: "عملت مع أستاذ رأفت الميهي فيلم "الأفوكاتو"، من أحلى أفلامي على الإطلاق، وفيه ناس وقفت ضدنا فيه ودخلنا في محاكم، ومرة بعد عرضه ونجاحه، في شباب كانوا معدّيين قالولي بصوت عالي عايز أتجوزك يا عطية". وأضافت: "مش بتدخل في السيناريو في كل الأحوال، بس في المسلسلات بتدخل، والفرق إن الفيلم مدته ساعتين والدنيا واضحة وصريحة فيه، لكن في المسلسلات لازم تخدمي على كل الشخصيات وتديهم أدوار حلوة يبانوا فيها، المسلسل بيكون 13 ساعة فلازم تفرشي كل الشخصيات دي"
وأضافت: "أستاذ عبد الحليم نصر سمع عني وقعدني، كان أهم مصور في الوقت ده، فقعدني في مكان معاه هو والأستاذ حسين الصباح، في شكل دايرة عشان يشوف زوايا وشّي، وقالي هديكي أول بطولة، طبعاً مكنتش مصدّقة نفسي، وأخدت بطولة من أول فيلم عملته... عملت 20 فيلم منزلوش، وكانوا مسميني وقتها النجمة المعلبة زي الزيتون كده، وبقيت أقول إيه هو أنا هعمل أفلام وتتحط في العلب بس، أوقات كنت بقدم 6 أفلام في اليوم، وبطلع من الأوردر ده على الأوردر ده"
وعن علاقتها بزوجها رجل الأعمال خالد سليم، قالت يسرا إنه "حب عمرها"، مؤكدةً: "الحب هو كل حياتي أنا معرفش أقعد مع ناس مش بحبهم، الحب اللي بجد معناه قوي واللي يعرف يحب يعرف يسامح ويتغاضى، وحبيت كتير بس أكبر حب في حياتي بدون شك هو خالد زوجي، ده حب عمري"
وتابعت: "علاقتي بالفلوس إني مش عايزة أحتاج لأي حد، عايزة أبقى مستورة ومش عايزة حاجة من حد ولا أبقى مديونة لحد، وعلاقتي بربنا هي اللي قوّتني في كل ظروف حياتي، وعلاقتي بيه روحانية جداً وإيماني بالله أكبر سند ليا"
وكشفت يسرا عن علاقة سابقة في حياتها قائلةً: "مفيش أزمة مهزمتنيش في البداية، وكنت بفكر إزاي أنتصر عليها بعدين، وده اللي خلاني أطبطب على نفسي وأقول معلش أنتي هتعدي حتى لو في جرح هيخليكي أقوى وأصلب، بندم على حاجات كتير لما باخد قرارات سريعة وفي فترة من حياتي اخترت شخص ما غلط ارتبطت بيه، والتسرع في الحاجات اللي زي دي بيكون غلط"
وعن مشوارها الفني والأعمال الفنية الكثيرة التي تُعرض عليها في هوليوود وفرنسا وسبب عدم موافقتها عليها، قالت يسرا: "جالي فرص في هوليوود وفرنسا واعتذرت عنها، السيناريو معجبنيش واتعرض عليا مليون دولار بس ما الشغل وحش، وأي بلد ليها أجندة معينة أنا مقبلتهاش، وأنا هنا نمبر وان في كل الوطن العربي وليا مكانتي، ليه أروح هناك وأكون نمرة 12؟"
وعن علاقتها بالفنان عادل إمام، بعد أن جمعهما 17 فيلماً، قالت يسرا: "أنا غنية بتجاربي مع كل الأستاذة اللي مريت في حياتي معاهم، عملت مع عادل إمام 17 فيلم، عادل لذيذ ودمه خفيف ورا الكاميرا، وبيبقى حافظ كل عامل اسمه ايه، بيخلي الحياة لذيذة وسهلة وممتعة، وبيحب ينقي مواضيع مهمة، كل فيلم يبقى وراه مغزى"
وعن فيلم "الأفوكاتو"، الذي قدّمته مع الفنان عادل إمام في عام 1983، قالت يسرا: "عملت مع أستاذ رأفت الميهي فيلم "الأفوكاتو"، من أحلى أفلامي على الإطلاق، وفيه ناس وقفت ضدنا فيه ودخلنا في محاكم، ومرة بعد عرضه ونجاحه، في شباب كانوا معدّيين قالولي بصوت عالي عايز أتجوزك يا عطية". وأضافت: "مش بتدخل في السيناريو في كل الأحوال، بس في المسلسلات بتدخل، والفرق إن الفيلم مدته ساعتين والدنيا واضحة وصريحة فيه، لكن في المسلسلات لازم تخدمي على كل الشخصيات وتديهم أدوار حلوة يبانوا فيها، المسلسل بيكون 13 ساعة فلازم تفرشي كل الشخصيات دي"
