دخلت الفنانة السورية أصالة نصري على خط الجدل الدائر حيال فيلم "أصحاب ولا أعز"، مبدية رأيها في العمل السينمائي

وقالت تعليقاً على بوستر الفيلم الذي نشرته عبر حسابها الرسمي على تطبيق "إنستغرام": "من حسن حظّي تابعت مبارح هالفيلم الرّهيب المُتقنّ بشكلّ رائع وحوار ذكي وتمثيل عبقري وبخصّ منى ذكي الّلي ما شفت بحياتي حدا صادق وحقيقي متلها، هالست بتستحقّ التكريم والمديح والتشجيع لأنها نجمة إبداع وفنّ مالهم مثيل"

وأضافت: "تسمّرت مكاني طول مدّة الفيلم واستمتعت وانبهرت بالفنّ والتحدّي والفكرة والإخراج والحوار ونادين لبكي المو معقولة وإيّاد نصّار الرّهيب وجورج خبّاز العبقري"


وتابعت أصالة: "وهالبنت الصغيره المستفزّة الّلي خلّتني أتمنّى من جوّا قلبي ألطشها كفّين على وشها خلّيها غصبن عنها ما تطلع من البيت"

واختتمت منشورها: "الفيلم رهيب مُنافس للأفلام الأجنبيّة بحرص أكتر وأكيد أدب أكتر وإحترام أكتر لأنّه الأجنبي منّ هالقصص أكتر بكتير حريّة وأكتر جرأة بالحكي والصور، أنا جدّاً فخورة بهالمستوى من الأفلام وعكس صور بتصير بكلّ المجتمعات على حد سواء وبنفس النسب... برافو برافو برافو يا سيّدات ويا أساتذة رفعتوا راسنا وأسعدتونا"