الرطوبه .. تجتاح بيتي كل سنه .. ما ان تبدأ الشتويه حتى تتلون جدران منزلي بين الاخضر والاسود والابيض (تطبيع) طبيعي ترسمه عفونة الرطوبه ... كل مجهودي بالصيف من (طراشه ) ودهان وتكلفه يذهب هباءا منثورا..
ما خليت شيء الا وعملته من اجل القضاء على هذه الرطوبه .. البناء قديم نوعا ما ولا استطيع الرحيل فايجار منزلي يتناسب نوعا ما مع دخلي المعدوم المتواضع .. اذا علي مواجهه المشكله .. صراع البقاء .. راس براس .. يا انا يا الرطوبه .. فكرت بجميع الخطط الاستراتيجيه لللقضاء عليها .. استعملت الكلور ما نفعش .. مواد عازله للرطوبه ( وبلبوند ) برضو ما نفعش .. احوطها من الشمال تيجيني من اليمين .. تكتيكها غريب عجيب.. تنتشر بسرعه .. وما ان تقضي عليها مؤقتا تعاود الظهور من حيث لا تحتسب ... شكينا لصاحب البيت الزلمه ما قصرش .. جاب طريش ومواد ومن برا ومن جوا برضوا ما نفعش .. الله وكيلكم من كثر ما حطيت مواد عازله للرطوبه صار سمك الجدار مترين ... كل سنه بتتقلص مساحة الغرف .. انا شقتي كان مساحتها 120متر والان مساحتها صارت 30 متر .. ومع هذا الرطوبه مصره انها تبقى .. استشرنا ناس كل واحد بقولك شكل .. واحد بقولي امسحها بتنر .. وواحد بكاز .. واحد بسائل جلي .. وبرضو ما ضبطت الامور .. يخرب بيتها شو عنيده .. (اصلاحها ) صعب .. القضاء عليها مستحيل .. بالاخير قررت ان اعمل (خلطه سحريه ) .. تشكيله متضاربه .. رحت جبت ( تنر , ونفط , وسائل جلي , وهايبكس , وسيرف , وسبيرتو . وكلونيا . وفلفل اسود , ونصف كوب زيت ) وحطيت عليهم اشوية ( معجون اسنان ) .. وخربطتهم وخلطتهم مع بعض .. زوجتي شكت بقواي العقليه .. واتوقعت انا وياها انو يصير انفجار بعد هذه الخلطه .. او انها تصدر غازات سامه تقضي علينا قبل ما نقضي على هالرطوبه .. ولكن ظليت مصر .. وقمت مسحت جدران البيت كله .. والله يا عمي الرطوبه راحت وما احلاها ... وصار ريحة البيت خليط كيماوي .. واهل بتي اصبحوا سكارى وما هم بسكارى .. الريحه قويه وبتسطل .. حتى حشرات البيت طلعت من مخابيها وقلبت على ظهرها ( صراصير .. نمل .. بعوض .. سحالي .. شعشبون .. عنكبوب ... عنبكوك .. عنكبوت .. فار صغير .. اشوية ملح .. واخلطيهم على نار هادئه ) بس شو ما كان بظل اهون من رائحه الرطوبه ومنظرها المزعج .. تركتها يومين ثلاثة ايام .. والمفاجأة انها عاودت الظهور مرة اخرى.. كيف بتنبع .. كيف بتطلع .. كيف بتعيش كيف بتتكاثر ... شو هي هاي البكتيريا الغريبه العجيبه ... اتقول قضية فساد .. الله اكبر.
شو الحل ؟ ... اعجزت .. اثناء مروري بالحاره اتلاقيت مع جار الي (ابو رباب).. ومن مجمل الحكي .. حكي يجيب حكي شرحنالو المشكله .. طال البخاخ من جيبتو ورش اشوي بثمو ثم تنفس عميقا وقلي ..
هو : اسمع يا بني .. هاي الرطوبه بتسبب ( ربو ) وحساسيه.. انا عانيت منها كثير .. بس الحمد لله اخلصت منها .
انا : الله يبشرك بالخير .. دلني على الحل .. يستر بيتك.
هو : والله ما اخبيش عليك.. انا غيرت البيت .. رحلت لبيت مهوا وبدخلو شمس .. ما فيها رطوبه.
انا : الله يخلف عليك .. غير هيك.
هو : ما في حل ثاني ... انا تاخرت بالرحيل لما صفيت على البخاخ رحلت .. ارحل قبل ما اتقضي عمرك ( اتبخبخ ).
انا : يا سيدي شكرا على النصيحه ... اتفضل .
هو : لا .. دخيلك..
بيني وبين نفسي فكرتو مستثمر .. ( قال دخيلك قال ) ..
رجعت على البيت .. وطرحت الموضوع بشكل جدي وطارئ مع افراد عائلتي الكرام .. وترأست القعده كوني ( رب الاسره شكليا .. وواقعيا من يمسك مقاليد الحكم بالبيت هي زوجتي بدعم من اولادي .. اولادي ولائهم المطلق لأمهم .. لانه ماخذين فكره عني انو انا تخصص ( رطوبه ) .. بقضي وقتي بالشتاء بالقضاء على الرطوبه اكثر من الجلوس معهم .. وبالصيف بقضيها طراشه ودهان اكثر من جلوسي معهم .. فتكون عندهم انطباع وفكره اني انا عامل عند امهم وعندهم وشغيل مش رب الاسره وهذه الرطوبه افقدتني الكثير من سلطتي الابويه .. على ايه حال عند طرح الموضوع والحلول والنتائج والعواقب واثرها على الميزانيه خرجنا بقرار بضرورة عقد لجنة حوار يوم الجمعه بعد الغذاء مباشره مع الاصرار على دعوة اشخاص من برا العيله لمشاركتنا بحل هذه المشكله ..
عقد الاجتماع بعد اجراء الاتصالات وتداولنا الموضوع وشارك فيه ثلة من الاقرباء والاهل .. وهات يا قصص .. وهات يا امثله .. وهات اسمع تجارب الاخرين مع الرطوبه .. ازهقت حالي .. انفض المجلس وكل واحد روح عند اهلوا وصفيت وحيد مع الرطوبه بدون الوصول الى حل جذري ومنطقي لهذه المشكله .
اختصرت زوجتي علي الطريق .. قامت تلقائيا بتحضير( طشت ) وجابت العده من خزانة ( المنظفات) والتي يطلق عليها بالعرف الدولي ( الكيماويات ) .. وحضرتهم .. وقالتلي .. يلا بلش اخلط وقوم امسح الرطوبه .. فش غير هيك بالوقت الحالي .. قمت خلطت وبلشت امسح بالرطوبه .. وكنت اتسائل بيني وبين نفسي .. معقول زوجتي ولولاد ادمنو ( شم ) هاي الخلطه .. وخاصة فيها ( تنر ) .. معقول زوجتي ولولاد بعرقلوا اصلاح البيت والتخلص من الرطوبه من اجل انهم يشبعوا رغباتهم ويشعروا بنشوة شم التنر ..الله اعلم ... وعلى هالموال .. كل يومين ثلاث ايام اعمل ( خلطتي السحريه ) .. وامسح يلي بتمسح .. بعد ما انتهي من عملية المسح (ادروخ ) .. مش من التعب .. من كثر ما شميت .. يعني الله بلطف في انو ما يزورني رجل امن على البيت بهذيك اللحظه .. كان اتعبطنا كلنا( قضيه سكر واثارة شغب ) .
كل يوم بفكر بطريقه تختلف عن الاخرى .. على الفاضي ... حتى ما اخبي عليكم صرت الاحظ على زوجتي ولولاد وانا شخصيا ظهور بعض ( البثور ) على اجسامنا لونها اخضر وابيض واسود ... وعند استشارة الطبيب قال سلامتكم .. (هاي رطوبه ) ... رطبتوا .. الرطوبه وصلتكم واجتاحتكم ... يعني احنا اصبحنا جزء من الرطوبة .. وهيك انتهت المعركه .. لا يوجد خصم .. فعلا رب رمية من غير رامي .. انطبق علينا المثل .. ( اللي بجيش معك تعال معو ) .
ملاحظه : لا زالت الرطوبة موجودة والادهى والأمر (ادمنا ) على (الخلطه السحريه ) .. الله يستر ما يرفعوا اسعار ( التنر).
والسلام عليكم
Burhan_jazi@yahoo.com
ما خليت شيء الا وعملته من اجل القضاء على هذه الرطوبه .. البناء قديم نوعا ما ولا استطيع الرحيل فايجار منزلي يتناسب نوعا ما مع دخلي المعدوم المتواضع .. اذا علي مواجهه المشكله .. صراع البقاء .. راس براس .. يا انا يا الرطوبه .. فكرت بجميع الخطط الاستراتيجيه لللقضاء عليها .. استعملت الكلور ما نفعش .. مواد عازله للرطوبه ( وبلبوند ) برضو ما نفعش .. احوطها من الشمال تيجيني من اليمين .. تكتيكها غريب عجيب.. تنتشر بسرعه .. وما ان تقضي عليها مؤقتا تعاود الظهور من حيث لا تحتسب ... شكينا لصاحب البيت الزلمه ما قصرش .. جاب طريش ومواد ومن برا ومن جوا برضوا ما نفعش .. الله وكيلكم من كثر ما حطيت مواد عازله للرطوبه صار سمك الجدار مترين ... كل سنه بتتقلص مساحة الغرف .. انا شقتي كان مساحتها 120متر والان مساحتها صارت 30 متر .. ومع هذا الرطوبه مصره انها تبقى .. استشرنا ناس كل واحد بقولك شكل .. واحد بقولي امسحها بتنر .. وواحد بكاز .. واحد بسائل جلي .. وبرضو ما ضبطت الامور .. يخرب بيتها شو عنيده .. (اصلاحها ) صعب .. القضاء عليها مستحيل .. بالاخير قررت ان اعمل (خلطه سحريه ) .. تشكيله متضاربه .. رحت جبت ( تنر , ونفط , وسائل جلي , وهايبكس , وسيرف , وسبيرتو . وكلونيا . وفلفل اسود , ونصف كوب زيت ) وحطيت عليهم اشوية ( معجون اسنان ) .. وخربطتهم وخلطتهم مع بعض .. زوجتي شكت بقواي العقليه .. واتوقعت انا وياها انو يصير انفجار بعد هذه الخلطه .. او انها تصدر غازات سامه تقضي علينا قبل ما نقضي على هالرطوبه .. ولكن ظليت مصر .. وقمت مسحت جدران البيت كله .. والله يا عمي الرطوبه راحت وما احلاها ... وصار ريحة البيت خليط كيماوي .. واهل بتي اصبحوا سكارى وما هم بسكارى .. الريحه قويه وبتسطل .. حتى حشرات البيت طلعت من مخابيها وقلبت على ظهرها ( صراصير .. نمل .. بعوض .. سحالي .. شعشبون .. عنكبوب ... عنبكوك .. عنكبوت .. فار صغير .. اشوية ملح .. واخلطيهم على نار هادئه ) بس شو ما كان بظل اهون من رائحه الرطوبه ومنظرها المزعج .. تركتها يومين ثلاثة ايام .. والمفاجأة انها عاودت الظهور مرة اخرى.. كيف بتنبع .. كيف بتطلع .. كيف بتعيش كيف بتتكاثر ... شو هي هاي البكتيريا الغريبه العجيبه ... اتقول قضية فساد .. الله اكبر.
شو الحل ؟ ... اعجزت .. اثناء مروري بالحاره اتلاقيت مع جار الي (ابو رباب).. ومن مجمل الحكي .. حكي يجيب حكي شرحنالو المشكله .. طال البخاخ من جيبتو ورش اشوي بثمو ثم تنفس عميقا وقلي ..
هو : اسمع يا بني .. هاي الرطوبه بتسبب ( ربو ) وحساسيه.. انا عانيت منها كثير .. بس الحمد لله اخلصت منها .
انا : الله يبشرك بالخير .. دلني على الحل .. يستر بيتك.
هو : والله ما اخبيش عليك.. انا غيرت البيت .. رحلت لبيت مهوا وبدخلو شمس .. ما فيها رطوبه.
انا : الله يخلف عليك .. غير هيك.
هو : ما في حل ثاني ... انا تاخرت بالرحيل لما صفيت على البخاخ رحلت .. ارحل قبل ما اتقضي عمرك ( اتبخبخ ).
انا : يا سيدي شكرا على النصيحه ... اتفضل .
هو : لا .. دخيلك..
بيني وبين نفسي فكرتو مستثمر .. ( قال دخيلك قال ) ..
رجعت على البيت .. وطرحت الموضوع بشكل جدي وطارئ مع افراد عائلتي الكرام .. وترأست القعده كوني ( رب الاسره شكليا .. وواقعيا من يمسك مقاليد الحكم بالبيت هي زوجتي بدعم من اولادي .. اولادي ولائهم المطلق لأمهم .. لانه ماخذين فكره عني انو انا تخصص ( رطوبه ) .. بقضي وقتي بالشتاء بالقضاء على الرطوبه اكثر من الجلوس معهم .. وبالصيف بقضيها طراشه ودهان اكثر من جلوسي معهم .. فتكون عندهم انطباع وفكره اني انا عامل عند امهم وعندهم وشغيل مش رب الاسره وهذه الرطوبه افقدتني الكثير من سلطتي الابويه .. على ايه حال عند طرح الموضوع والحلول والنتائج والعواقب واثرها على الميزانيه خرجنا بقرار بضرورة عقد لجنة حوار يوم الجمعه بعد الغذاء مباشره مع الاصرار على دعوة اشخاص من برا العيله لمشاركتنا بحل هذه المشكله ..
عقد الاجتماع بعد اجراء الاتصالات وتداولنا الموضوع وشارك فيه ثلة من الاقرباء والاهل .. وهات يا قصص .. وهات يا امثله .. وهات اسمع تجارب الاخرين مع الرطوبه .. ازهقت حالي .. انفض المجلس وكل واحد روح عند اهلوا وصفيت وحيد مع الرطوبه بدون الوصول الى حل جذري ومنطقي لهذه المشكله .
اختصرت زوجتي علي الطريق .. قامت تلقائيا بتحضير( طشت ) وجابت العده من خزانة ( المنظفات) والتي يطلق عليها بالعرف الدولي ( الكيماويات ) .. وحضرتهم .. وقالتلي .. يلا بلش اخلط وقوم امسح الرطوبه .. فش غير هيك بالوقت الحالي .. قمت خلطت وبلشت امسح بالرطوبه .. وكنت اتسائل بيني وبين نفسي .. معقول زوجتي ولولاد ادمنو ( شم ) هاي الخلطه .. وخاصة فيها ( تنر ) .. معقول زوجتي ولولاد بعرقلوا اصلاح البيت والتخلص من الرطوبه من اجل انهم يشبعوا رغباتهم ويشعروا بنشوة شم التنر ..الله اعلم ... وعلى هالموال .. كل يومين ثلاث ايام اعمل ( خلطتي السحريه ) .. وامسح يلي بتمسح .. بعد ما انتهي من عملية المسح (ادروخ ) .. مش من التعب .. من كثر ما شميت .. يعني الله بلطف في انو ما يزورني رجل امن على البيت بهذيك اللحظه .. كان اتعبطنا كلنا( قضيه سكر واثارة شغب ) .
كل يوم بفكر بطريقه تختلف عن الاخرى .. على الفاضي ... حتى ما اخبي عليكم صرت الاحظ على زوجتي ولولاد وانا شخصيا ظهور بعض ( البثور ) على اجسامنا لونها اخضر وابيض واسود ... وعند استشارة الطبيب قال سلامتكم .. (هاي رطوبه ) ... رطبتوا .. الرطوبه وصلتكم واجتاحتكم ... يعني احنا اصبحنا جزء من الرطوبة .. وهيك انتهت المعركه .. لا يوجد خصم .. فعلا رب رمية من غير رامي .. انطبق علينا المثل .. ( اللي بجيش معك تعال معو ) .
ملاحظه : لا زالت الرطوبة موجودة والادهى والأمر (ادمنا ) على (الخلطه السحريه ) .. الله يستر ما يرفعوا اسعار ( التنر).
والسلام عليكم
Burhan_jazi@yahoo.com
