وخاطب علي السيسي بالقول: "خلال شهر واحد استطعت كسرك، سواء أنت أو من حولك من الفاسدين في الجيش والشرطة، وفضيحتك أصبحت أمام العالم... وجماعة الإخوان اللي قلت عليها إرهابية، استمرت في حكم البلاد لمدة عام كامل، ولم تستطع إقصاءها، إلا بعد السماح بنزول أنصارك للشارع عشان الناس تموت في بعض، وتسهل عملية وصولك إلى الحكم".

وأضاف علي: "بعد ذلك فوضت الناس عشان تنزل تمشيهم (الإخوان)، وبعدها عشان ترشح نفسك لرئاسة الجمهورية... وقعدت ما يقرب من عامين ترتب لذلك، مع إنك كنت وزيراً للدفاع، والدولة كلها تحت أمرك... أنت ومن معك جايين تحاسبوني، وتقولوا محمد علي عمل إيه في شهر؟، عملت اللي ماتعرفش تعمله، وقدرت أهزك لوحدي، أنت والجيش والشرطة والقضاة".

وتابع: "عاوزك تتقل (تنتظر) لأن الجيم (اللعبة) لسه طويل، اديني وقتي، ولو كان معايا الجيش والشرطة كنت شيلتك في ساعة واحدة... أنا لوحدي، والشعب أنت قهرته وخوفته من خلال الإعدامات، وغيرها من إجراءات القمع، وجايين عاوزني أشيل رئيس جمهورية في 30 يوماً أو في شهر ونصف الشهر؟!".

وزاد علي: "كلنا كسرناك، ولسه في بلان (خطة)، فإحنا نتقل 3 أو 4 أشهر، ولازم يكون عندنا شوية صبر... هو (السيسي) خائف الآن، وفضحناه هو وزوجته انتصار، وابنه محمود، وكل قنوات المعارضة طلعت البلاوي اللي عليهم... هو مش هايكمل لأنه اتهز، وكل المطلوب مننا الصبر، لأن هو لسه معاه الجيش والشرطة، بس إحنا هانشيله في الآخر".

وواصل قائلاً: "أنا واثق إن انتصار ومحمود السيسي بيتفرجوا على الفيديو ده... وأنا لا أحث على الإرهاب، وكل ما أقوله إننا مش عاوزينك يا سيسي، وأنت مش عاوز تفتح لنا أي ميادين عشان ننزل نتظاهر فيها... وده عشان تثبت للغرب إن الناس لسه معاك، رغم أن والله العظيم الناس مش عاوزاك".

وكشف علي عن إنشاء شركته للمقاولات في مصر، مبنى كاملاً من ثلاثة طوابق، داخل حرم جهاز المخابرات الحربية على طريق النصر في حي مدينة نصر، شرقي القاهرة، من أجل تسهيل عمل اللجان الإلكترونية الموالية للنظام، مردفاً "إحنا بنعمله بلان (خطة) جامد جداً، وعلينا بالصبر ... أهم حاجة إن قوى كثيرة تتحد معايا الآن، لوضع خطة إزاحته من الحكم خلال 5 أو 6 أشهر".

وأضاف علي: "السيسي رجل مهزأ، وسد النهضة إما هايموتنا من العطش، أو هانغرق لو وقع... ولو كان في الخير لنا ولإثيوبيا مش هانكره الخير لأحد، لكن مياه النيل حق للجميع، مش إن حصتنا تقل ونموت... أنت (السيسي) وكل الناس اللي معاك متهمة بالخيانة يا خائن، لأن لو حصل بوار للأراضي مش هايبقى في زراعة... إحنا بنلعب جيم (لعبة) معاهم، والضربة هاتيجي لما نتجمع كلنا".

وختم بقوله: "إحنا بنحميكم عشان تنزلوا آمنين، لأن الموضوع مش سهل، وأنا مش من مصلحتي إن الناس تموت في الشارع... ولا من مصلحتي إن الناس تعتقل، ما أنا مابقاش قاعد هنا، ومحمي في دولة أوروبية، وأعرضكم أنتم للموت... دي مش الرجولة، ولا دي الجدعنة"، على حد تعبيره.