قرار غير حكيم أن تناقش من لم/لا يقرأ. الإكتفاء بالإنسحاب اللبق في نهاية الأمر فضيلة.
= = =
التقاعد المبكر !
اللي براسهُم، هالمُــدرا، بدهم يعملوه، يعني بدهم يعملوه.
أما تقوليلي إنّو إبنك بيعطيهم أفكار بتوفر مصاري أو بتخلّي المؤسسه تتقدم، وبيرموها بعيد عن السامعين بالزباله، وقرّبتي تنجلطي. لا تنجلطي ولا على بالك، مهو أصلا معظم اللي بيفهموا بطلعوهم عالمعاش قولة المصريين !
= = =
سياره قُدّامك يا خالتي بتحط بنزيم ب 3 ليرات،
سيارتك بتحط بعشرين ليره مثلا،
السياره أم العشرين ليره بينحط فيها ب 17 ليره،
مهو يا خالتي عامل المحطه بكمّل فوق الثلاث ليرات تبعون السياره الأولى، ولا من مشاف ولا من دري !
= = =
يا خريب يا لعيب، كان سلوكا شائنا في الحارات.
عندما يمارس من قبل البالغين في المؤسسات، فإن ذلك يؤدي الى إهتراء الدعائم لا محالة.
= = =
يكثر عندنا تعبير: فلان طنجره !
فهمت الأمر على أساس أن العقل قد تمّ تغليفه، ووضع طبيخ مكانه !
= = =
كلهم رووس كبيرة يا خالتي وبغاروا من بعضهم البعض وبيحسدوا بعضهم.
كيف بدهم يتفقوا يا خالتي ؟
بالعربي يا خالتي: impossible
= = =
يقول الصديق الإعلامي الأنيق الأستاذ حيدر حجازين:
"هل اصبح مجتمعنا فريقان، فريق مغتر، والثاني نمام ؟؟؟؟؟؟؟؟؟؟ "
قلت: " فريق مغتر وحاسد ونمّـــام، وفريق حاقد وحاسد ونمّـــام"
= = =
تتهنّوا يا خالتي مع بعضكم البعض، والله من فوق يسعدكم ويبعدكم.
هيني قاعده مع دلة القهوه بحكي معاها ومع حالي أسلملي، وعالقليله ما بتجيب سيرتي لا بخير ولا بشر، ولا بتحُط كلام بثُــمّي ما حكيتُه، ولا نظرات بعيوني ما عملتها !
