ياريت يا زمان الصبا فينا تعود
وترجع بسمات الهنا وسنين امالي
كرمال حبي الوفي يا اسمراني عود
بدفع ثمن عمري ولو "تخ" مغزالي
بتمرق كنت قول باب الهوا مسدود
يمكن خطرلي طيف من برجك العالي
بعدك حنين الروح والقلب موعود
وبعدك حديث السهر ياحلمي الغالي
يلي هديتك قلبي جنينة حنان ورود
وغنيت لحن الغزل عاجرح موالي
تركت الحنين يدوب عا غيبتك ويعود
يتذكر ماضي الحب وهمس الليالي
ومازال غبت عني ببكي امل مفقود
حلم عايش معي وماغاب عن بالي
ومن "نول" شغل البال يابو العيون السود
خلي العبايه الك وابعثلي رسالي

"""كلمات ...رمزي حداد"""