الكاتب: المستشار شفيق الدويك

والله يا خالتي نفسي أبتسم مثل الخلق والناس، بس لما :

- الراتب بيخلص بعد عشرين يوم ؟

- بتخرب سيارة إبني من (جوره) بالشارع عمرها سنه، (وبحط على السياره إللي فوقه وإللي تحته) ؟

- بتركّب جرة الغاز وبتخلص بعد يومين لأنها فيهاش غاز ؟

- براجع الواحد مركز صحي، والكل قالب وجهه بخلقتك ؟

- بتوقف تستنى باص أو تكسي ساعتين والدنيا موت برد ؟

- بتطلع بتكسي عدّاده خربان، وبيلهط الشفير نص ليره أو سبعين قرش زياده ؟

- الجيران بتحط كياس الزباله المقلعطه بوجهك والبساس نافلتها ؟

- بتشتري جاجه بتلاقيها بعد ما تفتح الكيس زرقا يعني مظروبه من كل جهه ؟ بدّيش أجيب سيرة اللحمه، ما إحنا بنشوفها مره كل شهرين ثلاثه !

- بظل الولد المتخرّج بوجهك سنتين ثلاثه ومش لاقي شغله مثل الناس تكفي مصاريفُه أو حتى سداد دين دراسته، وأخوه يصرف عليه مثل الولد لصغير ؟

كيف بدّي أبتسم يا خالتي ؟

– عضو مؤسس جمعية الكتاب الإلكترونيين الأردنيين