ملاخمه
تشوف العجب لما تقرا على النت او الفيس بوك , شو يقولوا الناس بالاردن عنالحكومات , ومرات تحس انك خارج الدويره , ومش فاهم شي او عارف شي , مثلا يقولك ان الحكومه ناويه تعلن الاحكام العرفيه , لوقف مش عارف شو او اسكات مش عارف مين او لفتره مش عارف قديش .
وتروح على اي محكمه شرعيه , وتسمع الحكي هناك اغلبه عن الزواج العرفي , هاي اتجوزت عرفي واهلها مش عارفين , وهذا اتجوز عرفي لأسبابه .
يعني فيه احكام عرفيه وفي زيجات عرفيه , ولما ينجهد بلاك وتروح على مناسبه اجتماعيه , يطلع واحد ويقول من عرفنا وعاداتنا (......كذا كذا ) يعني فيه كمان اعراف وعادات بأي مجتمع شرقي او جنوبي ,ولما تجي سيرة البيض فورا يجي على بالك المتسبب في انجاح عمليه الاخصاب الدجاجي الا وهو الديك نفسه والكل عارف ان لكل ديك ( عرف ) .
وهسا اخلطهن كلهن مع بعض احكام عرفيه , عرف وعاده , زواج عرفي , عرف الديك ,
يا اخي مشان الله , احنا مين احنا وين ؟؟؟؟
مصطلحات نازله رش على روسنا وكلها نفس الحروف , لكن الفلسفجيه غيرو شكل ومعنى الكلمات , واحنا بس نبصم .
ويوم القيامه , اللي تتساوى حسناته مع سيئاته يطلق عليهم ( الاعراف ) يعني لا جنه ولا نار , واقفين بالنص عين هون و عين هون .
واحنا بالاردن شكلنا قرّبنا موعد يوم القيامه وحطّينا حالنا مع اهل الاعراف . لا احنا مع الاصلاح او ضده ولا مع الفساد او ضده ولا مع الحكومات او ضدها ... لا طلعنا لفوق لاولا نزلنا لتحت .
من سنتين وهالناس طاشه بهالشوارع , مسيرات , اعتصامات , احتجاجات , وغيرها من ات ات ات
ولحد اليوم ما ما اتقدموا خطوه تنحسب . والحكومات خلال سنتين تراوح بمكانها , وعود وعهود وسمكرة للدستور , وما صار شي .
وهون انا اخاطب كل الاطراف , بكفي مطمطه , خلص الكل اتلمع اعلاميا وما ضل الا يوخذ صوره للذكرى فكونا الامور لازم تكون اما جلا او ولا . لا تخلونا مثل الاعراف نضل نستنى على قارعه طريق التاريخ .
فيصل البقور
تشوف العجب لما تقرا على النت او الفيس بوك , شو يقولوا الناس بالاردن عنالحكومات , ومرات تحس انك خارج الدويره , ومش فاهم شي او عارف شي , مثلا يقولك ان الحكومه ناويه تعلن الاحكام العرفيه , لوقف مش عارف شو او اسكات مش عارف مين او لفتره مش عارف قديش .
وتروح على اي محكمه شرعيه , وتسمع الحكي هناك اغلبه عن الزواج العرفي , هاي اتجوزت عرفي واهلها مش عارفين , وهذا اتجوز عرفي لأسبابه .
يعني فيه احكام عرفيه وفي زيجات عرفيه , ولما ينجهد بلاك وتروح على مناسبه اجتماعيه , يطلع واحد ويقول من عرفنا وعاداتنا (......كذا كذا ) يعني فيه كمان اعراف وعادات بأي مجتمع شرقي او جنوبي ,ولما تجي سيرة البيض فورا يجي على بالك المتسبب في انجاح عمليه الاخصاب الدجاجي الا وهو الديك نفسه والكل عارف ان لكل ديك ( عرف ) .
وهسا اخلطهن كلهن مع بعض احكام عرفيه , عرف وعاده , زواج عرفي , عرف الديك ,
يا اخي مشان الله , احنا مين احنا وين ؟؟؟؟
مصطلحات نازله رش على روسنا وكلها نفس الحروف , لكن الفلسفجيه غيرو شكل ومعنى الكلمات , واحنا بس نبصم .
ويوم القيامه , اللي تتساوى حسناته مع سيئاته يطلق عليهم ( الاعراف ) يعني لا جنه ولا نار , واقفين بالنص عين هون و عين هون .
واحنا بالاردن شكلنا قرّبنا موعد يوم القيامه وحطّينا حالنا مع اهل الاعراف . لا احنا مع الاصلاح او ضده ولا مع الفساد او ضده ولا مع الحكومات او ضدها ... لا طلعنا لفوق لاولا نزلنا لتحت .
من سنتين وهالناس طاشه بهالشوارع , مسيرات , اعتصامات , احتجاجات , وغيرها من ات ات ات
ولحد اليوم ما ما اتقدموا خطوه تنحسب . والحكومات خلال سنتين تراوح بمكانها , وعود وعهود وسمكرة للدستور , وما صار شي .
وهون انا اخاطب كل الاطراف , بكفي مطمطه , خلص الكل اتلمع اعلاميا وما ضل الا يوخذ صوره للذكرى فكونا الامور لازم تكون اما جلا او ولا . لا تخلونا مثل الاعراف نضل نستنى على قارعه طريق التاريخ .
فيصل البقور
