خلينا نرجّع كلمة ضريبة الى اصلها الثلاثي--- رح يطلع ضرب ويقول اللغويين ضرب يضرب ضارب او مضروب
وكمان بطح يبطح فهو مبطوح انتهت المقدمة اللغوية للعالم (ضربويه )
وحكي الناس اليوم يقول لا للضرب مع ان اللي صاير بالبلد حكومات نازلة ترفش ببطن الشعب وهو يتلقى بأديه وللحق اقول اللي يضربك لا تضربه روح اشتكي عند اهله اذا في له اهل او (المغفر) ممكن يحطه بالسجن وهيك ( تصير حياته احلى اكل ومرعى وقلة صنعه ) يعني فترة تسمين اذا كان مش لاقي يوكل او حاب يوكل زينا اكل عادي مش ديجيتال .
ولما تكون الحكومات الموقرة ،هيه مثل الفتوه بالمدرسة او الشارع و ما حدا بيسلم من شرها ،لمين رح تشتكي ؟ومين يحط الحكومة بالسجن؟ وكم سجن رح نحتاج حتى يستوعب الرقم العالي لمثل هؤلاء الفتوات
مسكين الشعب الاردني مثل الطالب المنقول حديثا لمدرسة جديدة ، خائف من الكل ، من المدير، المعلم ، الطالب ، .ولا يلام حقيقة الطالب لأنه ماله ولا صاحب يوقف معه لو بالحكي بس ...لاحظ معي كيف الحكومة تضرب الشعب ضريبة على عينه مشان ما يشوف شيء .وضريبه على اذان المواطن مشان ما يسمع شيء .وعلى دماغه مشان يبطل يفهم اكثر .واخيرا ضريبه عاى رجليه مشان ما يقدر يوقف بعد صلاه الجمعة .وبعد كل اللي بصير يرجع الواحد فينا اخر النهار مهدو وود حيله من المعا بطة بها لحياه يصلي( قد يكون عبادة لكن في اخر الصلاة يرفع اديه لرب العالمين ،داعيا) على الفتوه الجديدة ،الحكومة الجديدة(الله يهد حيلها ،الله يكسر ايدها الله يريحنا منها ول مش لاقيه غيري تجرب عضلاتها عليه ،طيب شو سويت غلط ،حتى تبهدلني قدام الله وخلقه) .
وبعد سنين من الدعاء يكتشف انه:
كان يصلي بدون وضوء ،وهذا يعني لن يستجاب للادعية سالفة الذكر ،فيعود صاحبنا الى احباط اكثر من اول .
بس شوف هذا المبهدل رح يتعملق ولسان حاله يقول((( ما العمر واحد والرب واحد ))) يا عيشه بكرامة يا بلاش .
مسكين بطل يقدر يرفع عينه بعين ام العيال بس يفتح ثمة ، تسكته وتقول روح فك حالك من غيري
اما العيال فما رح يوقفوا طلبات//// وما فيه على لسانهم: هذي مسؤوليته والا ليش يخلف اصلا...
