الزوج ينادي على زوجته وهو يردد كلمات مسيئة ويسب ويشتم)الزوج: يا مرة مين اخذ العشر دنانير من جيبة القميص؟الزوجة:يا زلمة شو دراني انا بعلم بالغيب؟الزوج: بتضحكي عمين ها؟ طلعي العشر نيرات قبل ما اقلب البيت فوق راسكي.الزوجة: والله ما شفت اشي يا زلمة .انت بتشك فيا؟ انا زوجتك معقول اسرقك؟الزوج: معقول ونص اذا ما بينت العشر نيرات من هون لنص ساعة ما بحصلك خير.(خرج الزوج من البيت متجها لعمله غاضبا يتهدد ويتوعد زوجته اذا ما بينت العشر نيرات سوف يعمل لها مصيبة)ابو عادل:مالك يا زلمة شو متهاوش مع المرة عالصبح؟الزوج: الله يقطع النسوان وسنينهن حطت يجيبتها عشر نيرات بتسرقني خيوه.ابو عادل: يا ابن الحلال حرام تتهم مرتك بجوز انها بريئة ومش هي السارقة فتش مزبوط بركي مدحوشة بقرنة في البيت.الزوج: لا خيوه انا متوكد المرة سراقة ورح اطلقها من بكره.ابو عادل: حرام يا زلمة ان بعض الظن اثم بجوز العشر نيرات سقطوا من جيبتك وانت بتشتري خضرا من عند ابو سليم الخضرجي.الزوج: انا متوكد انو هي السارقة زي ما انا شايفك هسا.يعني انشقت الارض وبلعتها؟(انتهى الدوام ورجع الزوج مسرعا لبيته ورأى زوجته تتحدث بالهاتف فصرخ عليها)الزوج: مين عالتلفون؟مين قاعدة بتكلمي ؟سويتي طبيخ ولا طول الوقت رغي مع صاحباتك؟ .مين كنت تكلمين جاوبي؟الزوجة: كنت احكي مع اختي.الزوج: مين كان على الخط مالك انخرستي يا مرة ومنين صارلك اخت ها فهميني؟الزوجة: اذا مش مصدقني اتصل واسألها.الزوج: رح اكسر التلفون وممنوع تحكي مع حد بعد اليوم.الزوجة: يا زلمة التلفون ضروري في البيت شو احنا في العصر الحجري؟كل الناس في بدارها تلفون هذا اسمو شك ومرض ولازم تشوف دكتور.الزوج: شو قلتي ؟اشوف دكتور مفكريتني مجنون؟الزوجة: لا سمح الله حاشاك بس شكك بالناس زاد عن حدو وهذا مرض نفسي ولازم تتعالج.الزوج:ايش ايش بتقولي حضرتك؟ وكمان بكل جراة بتحكي اني مجنون؟الزوجة: يا ابن الحلال المرض مش عيب واذا زاد شكك اكثر من هيك رح تجنني وتجنن ولادك روح بكرة عطبيب ولا مين شاف ولا مين دري.الزوج: وين موبايلي حطيتو عالطاولة وين رحتي فيه؟الزوجة: انا ما شفت مويايلك بركي نسيتو في الشغل؟الزوج :لأ ما نسيتو انا متوكد اني حطيتو عالطاولة.( رن التلفون الارضي فاجاب الزوج)الزوج: اهلا ابو عادل خير ان شاء الله هسا كنا مع بعض.ابو عادل:اتصلت فيك اقلك انو موبايلك نسيتو عمكتبك.وكمان ابشر اتصل ابو سليم ولقى العشر نيرات عندو.الزوج: شو؟ بس انا متأكد اني رجعتو عالبيت.الزوجة: شو بدو ابو عادل منك؟الزوج: قال بقول اني نسيت مويايلي على مكتبي.اكيد حكى فيه مع صحابو ما في حد مليح اليوم كلهم كذابين.آ ونسيت احكيلك يا مرة انو العشر نيرات اللي ضاعت مني واتهمتك فيها ظلم لقاها ابو سليم الخضرجي على الارض وقعت من محفظتي وانا بحاسبو.الزوجة: شايف صرت تشك بكل الناس وبكره اذا سكتت على حالك بتصير تشك في الفطة او تشك في حالك ولازم تشوف دكتور يا زلمة.الزوج: بتعرفي يا مرة انو كلامك صحيح والشك اللي عندي زاد عن حدو وبكرة ان شاء الله براجع دكتور نفسي بس ما تجيبي سيرة يا مرة ترى عارفك ما بتعرفي تخبي اشي.الزوجة: احسن قرار بتاخدو في حياتك وكل مشكلة والها حل