( خالد ومعتصم في موقف الباص ينتظروا على الدور)
خالد : مرحبا كيفك معتصم شو مالك؟ شايفك متشائم اليوم عالحساب دايما بتظل توصيني اكون متفائل.
معتصم: عشو بدنا نتفاءل يا زلمة ما سمعت المصيبة؟
خالد: لأ خير شو في؟
معتصم: اليوم سمعت بالاخبار على امن اف ام انو بدهم يرفعوا الاسعار.
خالد: هاي قديمة هات غيرها كل يوم محنا بنسمع برفع الاسعار وتاني يوم بننسى انت غشيم عنا بننسى بسرعة ولولا ربنا حط فينا نعمة النسيان كان انجلطنا من زمان و كان ما ضل بني آدم على وجه الارض ومتنا ناقصين عمر.
معتصم: انت في واد واحنا في واد طبعا يا عمي جيبتك مليانة قروش مش زي حالاتي مش قادر اطعمي القواريط كسرة خبز زهقت من هالاكل خبز وزعتر وشاي وما بنتزفر غير يوم الجمعة وما في بجيبتي ولا فرنك, القواريط اللي عندي لسا بدهم شوال مصاري حتى يكبروا ويتعلموا في المدارس والجامعات اخخخ بس شو اقول وشو اعمل لمين اشكي همي؟ بدي اهج من هالبلاد او اقلك احسن اشي اهاجر عشان اطعمي القواريط لقمة خبز تسد جوعهم.
خالد: take it easy ما حدا ماخد معو اشي فرفش يا زلمة ووكلها لربك ما بنسى حدا.
معتصم: انت فايق ورايق اليوم خير يا طير شو السيرة استلمت الراتب ولا جوزت الولد ها شو في؟ ضحكني معك؟
خالد: انا طول عمري مفرفش ووجهي بضحك شو بدك اموت ناقص عمر؟ كون متفائل زيي من ساعة لساعة فرج يا صاحبي
معتصم: متفاءل؟ وين بتنصرف هاي ؟ ههههههههه
خالد: انا ما بمزح يا رجل التفاؤل اشي ايجابي وانت شايفك دائما سلبي ومتشائم طول الوقت ووجهك ما بضحك للرغيف السخن ما قرأت في رياض الصالحين احاديث تنهى المسلمين عن التشاؤم.
معتصم: ول هذا انت مثقف من ورا ظهري؟ ما في اشي بسر الخاطر يا خوي.
خالد: التفاؤل يا سيدي احسن من التشاؤم حالتك يا معتصم ما بتسر لا عدو ولا صديق.
معتصم: شو اعمل حتى اكون متفائل؟
خالد: اول شي صلي صلاتك وطيع ربك وبر اهلك وانظر للحياة نظرة مشرقة شو يعني ارتفاع اسعار محنا حفظنا الدرس عن غيب
معتصم: نفسي اكون زيك يا خالد بس مش بايدي القواريط بدهم فت خبز واحنا جايين عالشهر الفضيل بدناش نوكل يعني؟ بدنا نصوم ليل مع نهار؟ ما فيش لقمة في الدار نحطها تحت سنانا.
خالد: كبرها بتكبر وصغرها بتصغر اضحك تضحك الدنيا معك ابك تبك وحدك. هو رفع الاسعار عليك بس ؟5 ملايين راس تحت خط الفقر شو يعني ينتحروا؟
معتصم: والله لولا اروح عجهنم غير انتحر او احرق نفسي نيالك بحسدك على شخصيتك وبرودة اعصابك وبتمنى اكون زيك بس طبيعتي اني ما بسكت عالضيم.
خالد: الله بفرجها بتهون ان شاء الله.
معتصم: بفكر اطلع الولد من المدرسة واحطه باي صنعة خليه يساعدني شوي.
خالد: اوعك تدمر مستقبل الولد وتخليه يضيع في الشوارع.
معتصم: منين اجيب رسوم للمدارس دبرني.
خالد: اسمع يا صاحبي انا مستعد اعطيك شوية مصاري تدبر حالك فيها ولما يصير معك رجعها الناس لبعض يا ابن الحلال ما في بينا.
معتصم: هو هو منين بدي اسدك العين بصيرة واليد قصيرة والله ما بتقصر بارك الله فيك هيك الاخوة ولا بلاش.
خالد : شو هالحكي يا رجل الناس لبعضها ما بتسمع بالمثل اللي بقول" الصديق وقت الضيق" وانا اذا ما وقفت معك في محنتك ايمتا اوقف معك ها قلي؟
( التقى خالد في اليوم الثاني هو ومعتصم واعطاه رزمة من ام العشرينات)
معتصم: فرجت يا خوي فرجت يا اخوي ما بعد الضيق الا الفرج.
خالد: بشر شو باسطك هالقدة شايفك متفائل على غير عادتك فرحني معك.
معتصم: مبارح بعد ما راح كل واحد عبيته اجاني فرصة عمل عالسعودية وبدي اروح شو رأيك؟
خالد: عنجد فرحتني يا زلمة ما في شغل في هالبلد ماكله روح الخل.
معتصم: رح آخذ الاولاد والمرة معي ما ضلنا خبز في هالبلد وشكرا يا خوي على المصاري وان شاء الله بسدك اياها من اول راتب.
خالد: مش مشكلة لا تهكل هم انا فرحان لك كتير وهسا بتقدر تأمن مستقبلك ومستقبل ولادك.
معتصم: الحمد لله رب العالمين ما بعد الضيق الا الفرج.
خالد : مرحبا كيفك معتصم شو مالك؟ شايفك متشائم اليوم عالحساب دايما بتظل توصيني اكون متفائل.
معتصم: عشو بدنا نتفاءل يا زلمة ما سمعت المصيبة؟
خالد: لأ خير شو في؟
معتصم: اليوم سمعت بالاخبار على امن اف ام انو بدهم يرفعوا الاسعار.
خالد: هاي قديمة هات غيرها كل يوم محنا بنسمع برفع الاسعار وتاني يوم بننسى انت غشيم عنا بننسى بسرعة ولولا ربنا حط فينا نعمة النسيان كان انجلطنا من زمان و كان ما ضل بني آدم على وجه الارض ومتنا ناقصين عمر.
معتصم: انت في واد واحنا في واد طبعا يا عمي جيبتك مليانة قروش مش زي حالاتي مش قادر اطعمي القواريط كسرة خبز زهقت من هالاكل خبز وزعتر وشاي وما بنتزفر غير يوم الجمعة وما في بجيبتي ولا فرنك, القواريط اللي عندي لسا بدهم شوال مصاري حتى يكبروا ويتعلموا في المدارس والجامعات اخخخ بس شو اقول وشو اعمل لمين اشكي همي؟ بدي اهج من هالبلاد او اقلك احسن اشي اهاجر عشان اطعمي القواريط لقمة خبز تسد جوعهم.
خالد: take it easy ما حدا ماخد معو اشي فرفش يا زلمة ووكلها لربك ما بنسى حدا.
معتصم: انت فايق ورايق اليوم خير يا طير شو السيرة استلمت الراتب ولا جوزت الولد ها شو في؟ ضحكني معك؟
خالد: انا طول عمري مفرفش ووجهي بضحك شو بدك اموت ناقص عمر؟ كون متفائل زيي من ساعة لساعة فرج يا صاحبي
معتصم: متفاءل؟ وين بتنصرف هاي ؟ ههههههههه
خالد: انا ما بمزح يا رجل التفاؤل اشي ايجابي وانت شايفك دائما سلبي ومتشائم طول الوقت ووجهك ما بضحك للرغيف السخن ما قرأت في رياض الصالحين احاديث تنهى المسلمين عن التشاؤم.
معتصم: ول هذا انت مثقف من ورا ظهري؟ ما في اشي بسر الخاطر يا خوي.
خالد: التفاؤل يا سيدي احسن من التشاؤم حالتك يا معتصم ما بتسر لا عدو ولا صديق.
معتصم: شو اعمل حتى اكون متفائل؟
خالد: اول شي صلي صلاتك وطيع ربك وبر اهلك وانظر للحياة نظرة مشرقة شو يعني ارتفاع اسعار محنا حفظنا الدرس عن غيب
معتصم: نفسي اكون زيك يا خالد بس مش بايدي القواريط بدهم فت خبز واحنا جايين عالشهر الفضيل بدناش نوكل يعني؟ بدنا نصوم ليل مع نهار؟ ما فيش لقمة في الدار نحطها تحت سنانا.
خالد: كبرها بتكبر وصغرها بتصغر اضحك تضحك الدنيا معك ابك تبك وحدك. هو رفع الاسعار عليك بس ؟5 ملايين راس تحت خط الفقر شو يعني ينتحروا؟
معتصم: والله لولا اروح عجهنم غير انتحر او احرق نفسي نيالك بحسدك على شخصيتك وبرودة اعصابك وبتمنى اكون زيك بس طبيعتي اني ما بسكت عالضيم.
خالد: الله بفرجها بتهون ان شاء الله.
معتصم: بفكر اطلع الولد من المدرسة واحطه باي صنعة خليه يساعدني شوي.
خالد: اوعك تدمر مستقبل الولد وتخليه يضيع في الشوارع.
معتصم: منين اجيب رسوم للمدارس دبرني.
خالد: اسمع يا صاحبي انا مستعد اعطيك شوية مصاري تدبر حالك فيها ولما يصير معك رجعها الناس لبعض يا ابن الحلال ما في بينا.
معتصم: هو هو منين بدي اسدك العين بصيرة واليد قصيرة والله ما بتقصر بارك الله فيك هيك الاخوة ولا بلاش.
خالد : شو هالحكي يا رجل الناس لبعضها ما بتسمع بالمثل اللي بقول" الصديق وقت الضيق" وانا اذا ما وقفت معك في محنتك ايمتا اوقف معك ها قلي؟
( التقى خالد في اليوم الثاني هو ومعتصم واعطاه رزمة من ام العشرينات)
معتصم: فرجت يا خوي فرجت يا اخوي ما بعد الضيق الا الفرج.
خالد: بشر شو باسطك هالقدة شايفك متفائل على غير عادتك فرحني معك.
معتصم: مبارح بعد ما راح كل واحد عبيته اجاني فرصة عمل عالسعودية وبدي اروح شو رأيك؟
خالد: عنجد فرحتني يا زلمة ما في شغل في هالبلد ماكله روح الخل.
معتصم: رح آخذ الاولاد والمرة معي ما ضلنا خبز في هالبلد وشكرا يا خوي على المصاري وان شاء الله بسدك اياها من اول راتب.
خالد: مش مشكلة لا تهكل هم انا فرحان لك كتير وهسا بتقدر تأمن مستقبلك ومستقبل ولادك.
معتصم: الحمد لله رب العالمين ما بعد الضيق الا الفرج.
