مشاري: فلحة يا فلحة وينك يا بنت ما تردي؟
فلحة: هاظاني جاي يابا.
مشاري: وينك بنادي عليك وما تردين؟
فلحة: كنت انظف الحاكورة يابا ايوه ايش تريد؟
مشاري: اقعدي جنبي بدي اسولفلك هالسولافة.
فلحة: هاظاني قعدت جنبك يابا تفضل ويش هي السولافة.
مشاري: اليوم اجا زعل وطلبك مني وانا اعطيتو.
فلحة: ايش يابا بدك تجوزني لابن عمي اللي ما كمل علامو؟
مشاري: وايش يعني ما كمل علامو هذا ابن عمك واقربلك مني وهو اكثر واحد بصونك وبحميك بعد ما ألفي عن هالدنيا.
فلحة: لا يابا ما بدي زعل وبعدين انا ودي اكمل علامي.
مشاري: شو يا بنت ؟بدك تكسري كلمتي ما عندي بنات يقولن لأ لابوهن.
فلحة: زعل ما عليه خلاف ومليح يابا بس هو مثل اخوي ومتربيين سوا وانا اريد اكمل قرايتي في الجامعة.
مشاري: لعاد احسن توخدي الغريب مشان يوخذلك قريشاتك؟
فلحة: انا ما اتجوز ولد عمي ولو ذبحتني.
مشاري: شو؟ بلاش تفضحينا بين العربان ويقولوا بنت مشاري راحت تكمل علامها في الجامعة وطلعت عن طوع ابوها, بدك تفضحيني وتسودي وجهي على حفة قبري انقلعي من قدامي ما اريد اشوف خلقتك.
مشاري: طرده يا طرده
طرده: علامك يا ابو عجلان ليش تنادي مش شايفني اعجن واخبز؟
مشاري:تعالي اسمعي بنتك شو بتقول قال ايش بدها ادزيها عالجامعة. واللي زاد الطين بلة انها مهي قابلة تتزوج ولد عمها.
طرده:والله معها حق يا زلمة البنت بدها تكمل علامها هي القراية صارت حرام ولا عيب؟
مشاري: لا تقوي راس البنت علي يا مرة بدل ما تعقليها بتوقفي بصفها خافي الله .
طردة: انت ما تقرا قرآن يا طويل العمر ربنا اعطى للبنت حقوق مثلها مثل الولد وأزود بعد والقراية ضرورية للبنت وسلاح بيدها اذا جار عليها الزمن.
مشاري: يا مرة صارلي ساعة بقلك انو زعل ولد عمها وما بفرط فيها.
طرده: البنت ما تريده والزواج مش بالغصب وما عنا غير هالبنت وين بدك ترميها وتخلص منها.
مشاري: انتي وبنتك بدكو تجلطوني وتموتوني ناقص عمر قطيعة تقطع البنات وخلفتهم شي غاد.ما عنا بنات للقراية البنت ما الها غير جوزها وولادها بلا كلام فاضي.
فلحة: مشان الله يابا لا تجوزني من ابن عمي زعل.
مشاري: خلص انا اعطيتو كلمة وكلمتي ما تصير كلمتين بين العربان بدك الناس تقول مشاري مش زلمة ما قدر لبنتو؟
فلحة: الزواج مش غصب يابا وما ني متزوج لو بتقتلني.
عجلان: عسى ما شر؟ انا فزعت عصوتكو واصل للكرم .
مشاري: تعال اسمع اختك شو بتقول بدها ادزيها للجامعة .
عجلان: يابا كلامها صحيح خلي البنت تقرا مثل باقي البنات جارنا ابو مشعل دزا بنتو للجامعة.
مشاري: هاد انتو وامك صايرين فهيمين من وراي.
عجلان: صلي عالنبي يابا.
مشاري: اللهم صلي عليك يا نبي.
عجلان: انا قريت في المدرسة يابا انو البنت لازم تتعلم لانو ما تدري ويش مخبيلها الزمن وين بدها تروح اذا رماها جوزها.
مشاري: انت ما دريت؟ اليوم اجا زعل وطلب فلحة وانا وافقت.
عجلان: ليش يابا تسرعت؟ زعل مثل اخوها ومتربيين سوا شو قالت فلحة؟
مشاري : هو على خاطرها الكلمة كلمتي ومن ايمتا البنت الها رأي ها يا ولد؟
عجلان: يابا زعل ابن عمها وما هو زين البنت توخذ ابن عمها.
مشاري: ليش يا فالح علمني.
عجلان: نسيت انو بنت عمي وضحة اخذت ولد عمها وولادها كلهم مريضين ومجانين وطول النهار دايرين فيهم عالاطباء.
مشاري: طول عمرنا نوخذ من القرايب وهينا مزيونين وما عمرنا رحنا عدكاترة شو مالها القرابة ولا المسلسلات خربتلكو عقلكو؟
عجلان: لا يابا الدين والاسلام هو اللي بقول نتجوز غرب ونبعد عن القرايب
مشاري: انا قريت فاتحة اختك وهي بترضع ومكتوبة عاسم زعل يا ولد من يوم ما انولدت هاي عاداتنا وتقاليدنا وحنا ما نخرج عنها وروح احكي لاختك تعقل وتجهز حالها لان العرس بعد يومين وما ريد لت وعجن الموضوع محسوم وكلمة الكبير ما تنزل الارض فاهم يا ولد.
فلحة: هاظاني جاي يابا.
مشاري: وينك بنادي عليك وما تردين؟
فلحة: كنت انظف الحاكورة يابا ايوه ايش تريد؟
مشاري: اقعدي جنبي بدي اسولفلك هالسولافة.
فلحة: هاظاني قعدت جنبك يابا تفضل ويش هي السولافة.
مشاري: اليوم اجا زعل وطلبك مني وانا اعطيتو.
فلحة: ايش يابا بدك تجوزني لابن عمي اللي ما كمل علامو؟
مشاري: وايش يعني ما كمل علامو هذا ابن عمك واقربلك مني وهو اكثر واحد بصونك وبحميك بعد ما ألفي عن هالدنيا.
فلحة: لا يابا ما بدي زعل وبعدين انا ودي اكمل علامي.
مشاري: شو يا بنت ؟بدك تكسري كلمتي ما عندي بنات يقولن لأ لابوهن.
فلحة: زعل ما عليه خلاف ومليح يابا بس هو مثل اخوي ومتربيين سوا وانا اريد اكمل قرايتي في الجامعة.
مشاري: لعاد احسن توخدي الغريب مشان يوخذلك قريشاتك؟
فلحة: انا ما اتجوز ولد عمي ولو ذبحتني.
مشاري: شو؟ بلاش تفضحينا بين العربان ويقولوا بنت مشاري راحت تكمل علامها في الجامعة وطلعت عن طوع ابوها, بدك تفضحيني وتسودي وجهي على حفة قبري انقلعي من قدامي ما اريد اشوف خلقتك.
مشاري: طرده يا طرده
طرده: علامك يا ابو عجلان ليش تنادي مش شايفني اعجن واخبز؟
مشاري:تعالي اسمعي بنتك شو بتقول قال ايش بدها ادزيها عالجامعة. واللي زاد الطين بلة انها مهي قابلة تتزوج ولد عمها.
طرده:والله معها حق يا زلمة البنت بدها تكمل علامها هي القراية صارت حرام ولا عيب؟
مشاري: لا تقوي راس البنت علي يا مرة بدل ما تعقليها بتوقفي بصفها خافي الله .
طردة: انت ما تقرا قرآن يا طويل العمر ربنا اعطى للبنت حقوق مثلها مثل الولد وأزود بعد والقراية ضرورية للبنت وسلاح بيدها اذا جار عليها الزمن.
مشاري: يا مرة صارلي ساعة بقلك انو زعل ولد عمها وما بفرط فيها.
طرده: البنت ما تريده والزواج مش بالغصب وما عنا غير هالبنت وين بدك ترميها وتخلص منها.
مشاري: انتي وبنتك بدكو تجلطوني وتموتوني ناقص عمر قطيعة تقطع البنات وخلفتهم شي غاد.ما عنا بنات للقراية البنت ما الها غير جوزها وولادها بلا كلام فاضي.
فلحة: مشان الله يابا لا تجوزني من ابن عمي زعل.
مشاري: خلص انا اعطيتو كلمة وكلمتي ما تصير كلمتين بين العربان بدك الناس تقول مشاري مش زلمة ما قدر لبنتو؟
فلحة: الزواج مش غصب يابا وما ني متزوج لو بتقتلني.
عجلان: عسى ما شر؟ انا فزعت عصوتكو واصل للكرم .
مشاري: تعال اسمع اختك شو بتقول بدها ادزيها للجامعة .
عجلان: يابا كلامها صحيح خلي البنت تقرا مثل باقي البنات جارنا ابو مشعل دزا بنتو للجامعة.
مشاري: هاد انتو وامك صايرين فهيمين من وراي.
عجلان: صلي عالنبي يابا.
مشاري: اللهم صلي عليك يا نبي.
عجلان: انا قريت في المدرسة يابا انو البنت لازم تتعلم لانو ما تدري ويش مخبيلها الزمن وين بدها تروح اذا رماها جوزها.
مشاري: انت ما دريت؟ اليوم اجا زعل وطلب فلحة وانا وافقت.
عجلان: ليش يابا تسرعت؟ زعل مثل اخوها ومتربيين سوا شو قالت فلحة؟
مشاري : هو على خاطرها الكلمة كلمتي ومن ايمتا البنت الها رأي ها يا ولد؟
عجلان: يابا زعل ابن عمها وما هو زين البنت توخذ ابن عمها.
مشاري: ليش يا فالح علمني.
عجلان: نسيت انو بنت عمي وضحة اخذت ولد عمها وولادها كلهم مريضين ومجانين وطول النهار دايرين فيهم عالاطباء.
مشاري: طول عمرنا نوخذ من القرايب وهينا مزيونين وما عمرنا رحنا عدكاترة شو مالها القرابة ولا المسلسلات خربتلكو عقلكو؟
عجلان: لا يابا الدين والاسلام هو اللي بقول نتجوز غرب ونبعد عن القرايب
مشاري: انا قريت فاتحة اختك وهي بترضع ومكتوبة عاسم زعل يا ولد من يوم ما انولدت هاي عاداتنا وتقاليدنا وحنا ما نخرج عنها وروح احكي لاختك تعقل وتجهز حالها لان العرس بعد يومين وما ريد لت وعجن الموضوع محسوم وكلمة الكبير ما تنزل الارض فاهم يا ولد.
