وجّهت الفنانة حنان ترك رسالة عبر صفحتها على "الفيس بوك" إلى فتاة التحرير التي تم ضربها وسحلها بوحشية من قبل الجنود المصريين بقولها: "ماتخفيش انتي مستورة في عيوننا وقلوبنا ماتخجليش من صورتك , الي اتعري مش جسمك صدقيني ماحدش ركز في جسمك , الكل ركز في الكلاب الي اتلموا حواليكي , وقلوبنا قبل عيوننا ستراكي انت اشرف من رأتها عيني".

وأبدت حنان دهشتها من التفاصيل المتعلقة بالفيديو المنتشر والذي يخص فتاة التحرير قائلة : "يا ريت كلنا نشوف الفيديو ده ونشوف الراجل والست الكبار اللي ظهروا في الثانية 34 (الراجل لابس قميص أبيض والست لابسة بلوزة حمراء) .. شوفوا العساكر والضباط عملوا فيهم ايه في الدقيقة الأولى والثانية 42 .. الراجل والست رجعوا لانقاذ البنت اللي بتنضرب فتم الهجوم عليهم وضربهم هما كمان ولم يشفع لهم سنهم أو إنهم مالهمش أي علاقة بالأحداث .. الضرب بيحصل بوحشية تؤكد إن الجنود دول تم غسل دماغهم .. مستحيل يكون اللي بيدرّبه بيقول له يضرب مصريين وظيفته حمايتهم وحماية أرضهم" .