أخبار البلد- متابعات - للأسبوع الثالث انطلقت مسيرات الغضب ضد الغلاء في محافظات المملكة ورفعو اشعارات تعبر عن مطالب الناس والحركات السياسية ، أخبار البلد قامت برصد هذه الشعارات :

في عمان

"يا فاسد احذر من غضبي"

- "من الكرك لعمان الشعب الأردني ما بينهان"

- "ع المكشوف ع المكشوف حكومة ما بدنا نشوف"..

- " الانتخاب .. الانتخاب للحكومة والنواب "

- " الشعب الاردني شعب حر قرارات ما رح تمر "

- " اسمع اسمع يا سمير مطلب الجماهير "

- " اسمع المطلب الاساسي بدنا الاصلاح السياسي "

- " بوعزيزي يا ابن النشمية صحيت الامة العربية "

- " تحية في الشعب الثائر في مصر وتونس الجزائر "

- " بالروح بالدم نفديك يا اردن "

- الموت ولا المذلة "

- " فار دم الشعب العربي "

- " خبز وحري ..عدالة اجتماعية "

- "يا حكومة يا منشار بكفي علينا رفع اسعار"

- " لا تقلي شو طالع بالايد ..جابو سمير بشكل جديد "

- "شد حزامك يا ابو حديد لا تقولي شو طالع بالايد "

- "هاي الارادة الشعبية والاحزاب السياسية"

- "يا رفاعي يا سمير اسمع صوت الجماهير "

- "يا اردن يا ارض العز .. الدينار سعر الرز "

- " وحد كفك وحد كفك الحكومة مصت دمك "

في اربد

هم مين واحنا مين احنا ولاد الحراثين ..هم الوزراء ال..

* حكومة تجويع الناس حرامية بالاساس

* يا نواب يا نايمين سرقوا من الملايين ..

* عوض الله هالمسكين باع قصره بالملايين .. من وين فلوسو من وين ..

* يانواب البرلمان اعطوا الثقة بالمجان ..

* سقوها مية مية باعوها الحرمين..

* يا سيدنا يا ابو حسين ريحنا من المجلسين..

* هذا الاردن اردنا والحرامي ما بدنا..

في الكرك

" طالعلك يارفاعي طالع من كل بيت وحارة وشارع"

و "طالعلك في الاصلاحات حقيقية مش شعارات"

و"طالعلك من ع الدوار الاردن بلد الاحرار"

"نحن نريد اسقاط الحكومة"

و" مين قال الشعب العربي مات هيو ثائر ع الحكومات"

وطالعلك عندي شعار الاردن بس للاحرار"

و"رفاعي لايخلف عليك عشرينك مردوده عليك ".

في ذيبان

فلسطين عربية

الأردن بس للأحرار الأردن بس للثوار

وادي عربة لا ، خبز وماء

يا رفاعي ادفع من جيبك

طالعلك ما بدي فلوس، بدي كرامة يا نفوس

طالعلك وبإيدي الحربة، حتى تسقط وادي عربة

طالعلك بدي الدستور، يتعدل ويشوف النور

في عجلون :

احنا والشرطة والجيش تجمعنا لقمة العيش

* من مؤتة لليرموك الاردنية بيكرهوك..

* ارض المجد وهذا شعب العز ..

* النوادي الليلية تحارب رب البرية ..

* اسمع سمع الالاف شعب الاردن ما بيخاف

* يا امتنا دوسي دوسي على الخائن والجاسوس

* حسبنا الله ونعم الوكيل ..

* يا مجلس 111 شعب الاردن ما يركعش

* يا حكومة يا حكومة خافي الله يا حكومة

* الفقر من امامكم والحكومة من خلفكم

* ارفع من سعر السولار وعبي جيابك بالدولار

* يا رفاعي يا سمير ارحل ارحل ع البكير

* يا مكافحة الفساد خافوا الله بالعباد

* وين حساب الفاسدين يلي سرقوا الملايين

* قولوا لا قولوا لا .. لا للصوت الواحد لا

* احنا رجال الاردن هون في عمان وفي عجلون وفي الطفيلة والكرك كلنا بدنا نتحرك

* يا سمير يا رفعي وجودك ما اله داعي

* اسمع سمع الملايين شعب الاردن ما يلين