اخبار البلد
انا شب عمري 25 سنة تخرجت قبل فترة و معي شهادة هندسة و ناوي اني اتجوز البنت يلي الي اربع سنين انا وياها بس مش قادر اروح اطلبها من اهلها لاني خايف ..مع اني متأكد مليون بالمية انو اهلها رح يوافقو بس خايف لأني حاسها بتخوني ..البنت الي أربع سنين معها و عمري ما حسيت هيك احساس الا هسا ..و البنت مش متغيرة علي ولا بأي اشي بس مش عارف ..مش قادر اشيل هل سولافة من راسي ..حاس انها بتخوني ..و البنت قبل ما احبها و تحبني كانت بعلاقة مع واحد قبلي و كانت تحبو كثير حسب قولها بس هو خانها و تركتو و حتى بعد ما عرفت انو خانها و تركتو رجعت تحكي معو ..هاي قصتها حكتلي اياها قبل أربع سنين و أنا وافقت و ما كان عندي اي مشكلة ..بس هسا مش عارف ليش خايف تكون رجعت تحكي معو..مع انو مش قادر الاقي عليها ولا دليل انها بتخوني بس احساسي و شكي قتلني ..ساعدوني شو اعمل !!!
عزيزي : الشيطان يعدكم الفقر والبؤس ، وخوفك نتيجته الشيطان ، فدائماً وجه قلبك إلى الله ، ودعهُ يساعد العقل في الإستفتاء ، ان جاءتك هذه الهواجس قل : اعوذ بالله من الشيطان الرجيم , وإذا ارتاح قلبك فهذا يعني ان الشيطان قد غادر جسدك ، لذلك عزيزي توكل على الله واعزمونا ولاتنسى كادر أخبار البلد من الحلوان وذلك بعد ان تزرونا ونلتقط لكم أجمل الصور وننزل لكم التهنئة على صفحات موقعنا
احمد الغلاييني