عداك العيب
( سقط حجر على بيت ابو هاشم من جهة الشقة المقابلة لبيته وكسرت زجاج البرندة بالكامل فخرج ابو هاشم مثل المجنون وهو يرتدي البيجامة والشبشب وشعره منكوش وواقف من حدة الصدمة والشر يتطاير من عينيه ودق على شقة جاره ابو خليل بعنف)
ابو خليل: مرحبا يا جار خير شو في ؟شكلك معصب؟
ابو هاشم: معصب وبس اي انا مش شايف الضو قدامي مين رمى الحجر على داري وطبش قزاز البرندة؟
ابو خليل: احنا ما رمينا حجار وانا كنت نايم وصحيت هسا على صوت دقة الباب يا جار.
ابو هاشم:انت ما راعيت حق الجيرة يا بو خليل بصير هيك يا جار؟ ما بتسمع بالمثل اللي بقول"الجار قبل الدار"
ابو خليل: له له يا جار انا عاطل وبطلت انفع؟عكل حال الله يسامحك وصدقني ما بعرف اشي عن الحجر.
ابو هاشم: اسأل ولادك مين رمى الحجر؟ والله ستر هالمرة ولو كانت مرتي او ولادي قاعدين في البرندة كانوا راحوا في خبر كان وانطبش دماغهم ودرنا نطبب فيهم بالمستشفيات ولا انا غلطان يا جار؟
ابو خليل: عداك العيب يا جار وحقك علي.
ابو هاشم: الله قدر ولطف بس تاني مرة فهم ولادك كيف كان الرسول يتعامل مع الجار وما يرموا حجار على الجيران اي الرسول وصى على سابع جار ولا انا غلطان يا جار؟
ابو خليل: عداك العيب انت كل كلامك مزبوظ في مزبوط وحقك عراسي من فوق.
ابو هاشم: بس يا ابو خليل عليك تصليح القزاز انا صارلي مركبو شهرين وما الي قدرة ادفع منتا شايف الغلا .
ابو خليل: شايف وبس؟ انا انكويت منو بس يا جار منين اصلحلك البرندة العين بصيرة واليد قصيرة وراتبي ما بكفي اجرة مواصلات وخبز للاولاد ما في معي القرش ومزنوق هذا الشهر وبدي اوخد سلفة عالراتب بدك ما تواخدني.
ابو هاشم: نعم نعم ؟بدكيش تصلح القزاز ؟طيب المحاكم بيناتنا ورح آخذ حقي بالقوة وساعتها بتقول يا دار ما دخلك شرو يا ريت قززت لجاري البرندة ادفع بالتي هي احسن ولا ؟
ابو خليل: شو بدك تضربني لهون وصلت الجيرة نضرب بعضنا قدام العالم والناس .اذا الك عندي حق بتوخدو بالمحكمة.
ابو هاشم: بدك استنى المحكمة حتى تصدر حكم يمكن توخدلها القضية شهرين ثلاثة ووين بدي اروح بحالي.
ابو خليل: هاظا اللي بقدر عليه انا مفلس وتعال فتش داري اذا مش مصدقني.
ابو هاشم: لا عداك العيب انت معقول تكذب يا جار؟لكان سيارة الجيب اللي قدام بيتك منيلك.
ابو خليل: احكيلك وما تجيب سيرة لحد؟سرقتها يا خوي
ابو هاشم : شو انت مش بس كذاب وكمان ما بتعرف حق الجيرة وفوق كل هذا حرامي محترف يا حسيف عليك.هسا هسا بدك تعطيني حق التصليح ولا بشتكي عليك انك سرقت السيارة.
ابو خليل: خلص خلص استر علينا هسا بجيبلك حق التصليح شايف شو كويس انا معاك ولا انا غلطان؟
ابو هاشم: لا شو غلطان عداك العيب .انا قررت ابيع الدار واروح افتش عبيت تاني.
ابو خليل: بصير هالحكي محنا حبايب معقول بتهون عليك العشرة ؟قديش صارلنا جيران ها متذكر ولا اذكرك صارلنا 10 سنين الباب بالباب وبنحب بعض مثل الاخوة يعني اذا ولد رمالو حجر بالعمر مرة خربت مالطة كبر عقلك واستهدي بالرحمن يا رجل وكل شي بتصلح ان شاء الله وبجوز لما ترحل يطلعلك واحد ابن حرام من الجيران يسود عليك عيشتك.في مثل بقول" ما بتعرف خيري حتى تجرب غيري"
ابو هاشم: لا يا خوي الجار قبل الدار ولا انا غلطان؟
ابو خليل: غلطان؟ عداك العيب.
ابو هاشم: شو قصتك كل شوي عداك العيب عداك العيب مش حافظ غير هالكلمتين قول وغير يا زلمة.
ابو خليل وابو هاشم بصوت عالي: سامحونا عداكم العيب.
ابو خليل: مرحبا يا جار خير شو في ؟شكلك معصب؟
ابو هاشم: معصب وبس اي انا مش شايف الضو قدامي مين رمى الحجر على داري وطبش قزاز البرندة؟
ابو خليل: احنا ما رمينا حجار وانا كنت نايم وصحيت هسا على صوت دقة الباب يا جار.
ابو هاشم:انت ما راعيت حق الجيرة يا بو خليل بصير هيك يا جار؟ ما بتسمع بالمثل اللي بقول"الجار قبل الدار"
ابو خليل: له له يا جار انا عاطل وبطلت انفع؟عكل حال الله يسامحك وصدقني ما بعرف اشي عن الحجر.
ابو هاشم: اسأل ولادك مين رمى الحجر؟ والله ستر هالمرة ولو كانت مرتي او ولادي قاعدين في البرندة كانوا راحوا في خبر كان وانطبش دماغهم ودرنا نطبب فيهم بالمستشفيات ولا انا غلطان يا جار؟
ابو خليل: عداك العيب يا جار وحقك علي.
ابو هاشم: الله قدر ولطف بس تاني مرة فهم ولادك كيف كان الرسول يتعامل مع الجار وما يرموا حجار على الجيران اي الرسول وصى على سابع جار ولا انا غلطان يا جار؟
ابو خليل: عداك العيب انت كل كلامك مزبوظ في مزبوط وحقك عراسي من فوق.
ابو هاشم: بس يا ابو خليل عليك تصليح القزاز انا صارلي مركبو شهرين وما الي قدرة ادفع منتا شايف الغلا .
ابو خليل: شايف وبس؟ انا انكويت منو بس يا جار منين اصلحلك البرندة العين بصيرة واليد قصيرة وراتبي ما بكفي اجرة مواصلات وخبز للاولاد ما في معي القرش ومزنوق هذا الشهر وبدي اوخد سلفة عالراتب بدك ما تواخدني.
ابو هاشم: نعم نعم ؟بدكيش تصلح القزاز ؟طيب المحاكم بيناتنا ورح آخذ حقي بالقوة وساعتها بتقول يا دار ما دخلك شرو يا ريت قززت لجاري البرندة ادفع بالتي هي احسن ولا ؟
ابو خليل: شو بدك تضربني لهون وصلت الجيرة نضرب بعضنا قدام العالم والناس .اذا الك عندي حق بتوخدو بالمحكمة.
ابو هاشم: بدك استنى المحكمة حتى تصدر حكم يمكن توخدلها القضية شهرين ثلاثة ووين بدي اروح بحالي.
ابو خليل: هاظا اللي بقدر عليه انا مفلس وتعال فتش داري اذا مش مصدقني.
ابو هاشم: لا عداك العيب انت معقول تكذب يا جار؟لكان سيارة الجيب اللي قدام بيتك منيلك.
ابو خليل: احكيلك وما تجيب سيرة لحد؟سرقتها يا خوي
ابو هاشم : شو انت مش بس كذاب وكمان ما بتعرف حق الجيرة وفوق كل هذا حرامي محترف يا حسيف عليك.هسا هسا بدك تعطيني حق التصليح ولا بشتكي عليك انك سرقت السيارة.
ابو خليل: خلص خلص استر علينا هسا بجيبلك حق التصليح شايف شو كويس انا معاك ولا انا غلطان؟
ابو هاشم: لا شو غلطان عداك العيب .انا قررت ابيع الدار واروح افتش عبيت تاني.
ابو خليل: بصير هالحكي محنا حبايب معقول بتهون عليك العشرة ؟قديش صارلنا جيران ها متذكر ولا اذكرك صارلنا 10 سنين الباب بالباب وبنحب بعض مثل الاخوة يعني اذا ولد رمالو حجر بالعمر مرة خربت مالطة كبر عقلك واستهدي بالرحمن يا رجل وكل شي بتصلح ان شاء الله وبجوز لما ترحل يطلعلك واحد ابن حرام من الجيران يسود عليك عيشتك.في مثل بقول" ما بتعرف خيري حتى تجرب غيري"
ابو هاشم: لا يا خوي الجار قبل الدار ولا انا غلطان؟
ابو خليل: غلطان؟ عداك العيب.
ابو هاشم: شو قصتك كل شوي عداك العيب عداك العيب مش حافظ غير هالكلمتين قول وغير يا زلمة.
ابو خليل وابو هاشم بصوت عالي: سامحونا عداكم العيب.