أخبار البلد - انتقد الرئيس المصري عبد الفتاح السيسي شكاوى المواطنين المتكررة من ارتفاع أسعار السلع الغذائية، قائلاً: "أكل إيه اللي بتتكلموا عنه يا مصريين، أنا ببني دولة، وبعمل كورنيش داخل البحر (المتوسط) في الإسكندرية طوله 8 كيلومترات. حجم العمل الذي تحتاجه مصر يحتاج إلى عشرات السنين بلا كلل أو ملل، ووزير المالية دائماً يقول لي: لا توجد أموال لذلك".

وأضاف السيسي، في كلمته بالمؤتمر الوطني للشباب بمحافظة الإسكندرية، اليوم الأربعاء: "أعرف جيداً مدى ارتفاع أسعار الأكل (الغذاء)، بس إحنا بنحاول بناء الدولة، ومعالجة تاريخ طويل من التراكمات".

وواصل "أوعوا تزعلوا (لا تغضبوا) من اللي هاقوله: نأكل، ولا اعمل طريق زي محور المحمودية، وتبقى الدنيا صعبة شوية؟ نأكل، ولا أسيب الناس مرمية في الشوارع، ونائمة في الصفيح؟ لا، أشيل الناس من الشارع، وأسكنهم في بشاير الخير (مساكن لنقل سكان المناطق العشوائية)، والدنيا تبقى غالية شوية"، على حسب تعبيره.

وتابع: "ربنا اللي هايحاسبني مش الناس، وحسابكم أنتم سهل جداً، لكن رب البشر شايف ومطلع على كل حاجة، وإحنا كدولة بنجري أكثر من طاقتنا".

وأضاف: "لست قلقاً من وسائل التواصل الاجتماعي، لأني عارف إنها عبارة عن دردشة بين الناس وبعضها، وفي النهاية الناس بتتكلم على الفيس (فيسبوك)، لكن كل واحد فينا في مكان بيشوف اللي بيتعمل، والخدمات والمشاريع اللي بتحصل على الأرض".

وأكمل السيسي: "لو كان في فرصة نعمل أكثر من كده هانعمل، وموضوع الصناعة شغالين فيها من أجل التشغيل والعمالة، وتزويد الناتج المحلي بشكل كويس. وأي دولة بتضيع ساعة في الاقتتال، ده معناه خراب سنين، يعني بدل ما تختلف معايا كرئيس للدولة اشتغل، أنت من حقك تشتغل وترفض، بس اشتغل".