وقالت هند القحطاني في رسالتها لشقيقتها زينب: "هذا الكلام أوجهه لأختي الملعونة زينب، الله يلعنك، يا ملعونة ما تكلميني ولا تتواصلين معي، ده أنا أختك حبيبتك اللي أسرارك كلها عندي وأسراري كلها عندك، كأننا توأم نتعاقب سوا ونضحك سوا ونترعب سوا ونخاف سوا ونفرح سوا، زينب، ما يصير، عيالي ما اشتاقتي لهم”.

وأضافت: "عيالي اللي لما وصلوا أمريكا يسألون عن خالتهم زينب، كنتي تحبيهم وتشتاقين فيهم، إيش اللي صار، يا مجنونة أنا هند، أنا توأم روحك علشان إيش قاطعتيني علشان ترضين إخوانك، بالله عليكي إيش استفادتي لما قاطعتيني! قولي لي إيش سووا لك! شالوكي على راسهم من فوق، أبغى أعرف ليش السبب، عيالي ما عادوا يعنولك شيء؟”.

وفي مقطع الفيديو تحدثت هند القحطاني عن قسوة والدها قائلة: "المهم أبغي أكملكم السالفة أبوي من كتر قسوته أبدا ما كان يبوسنا، حتى في الأعياد كان يطبع قبلة بس كدة على جبيني في الأعياد، أنا وزينب كنا نسلم عليه بس في الأعياد، وبس أسلم عليه أبكي بكا جنوني، وبعدين زينب تسلم عليه وتروح مكان تاني تبكي فيه، وبعد ما أبكي كنت أروح أشوفها بتبكي فين، حتى هبة أختي كانت تبكي”.

وأضافت الفاشنيستا السعودية متحدثة عن قسوة والدها: "كانت كل واحدة تضحك على التانية ضحك هستيري ونقعد نعاكس بعض ونضحك إنه إزاي بنبكي علشان سلمنا على أبونا، لكن كنا بنحس بعاطفة كدة لما نطبع قبلة على جبين أبونا، ودي كانت بتحصل مرتين بس في السنة في عيد الفطر وعيد الأضحى، يعني شيء غريب علينا بنحس بحنان الأبوة حرمان شي مو طبيعي، بنحس بحنان الأبوة فقط في الأعياد متخيلين”. واستكملت هند القحطاني رسالتها لشقيقتها زينب قائلة: "فاكرين إننا كنا بعد ما نبكي أنا وزينب أختي ولا واحدة فينا تسأل عن السبب، أو حتى واحدة تروح تقول للتانية ليش بكيتي بعد ما سلمتي على أبوك! أبدا! لأننا كنا عارفين السبب أنا عارفة إني لو سألتها هتكون إجابتها نفس إجابتي، فمش محتاجين نسأل أبدا عن السبب كنا نشعر بمجموعة مشاعر ونتأثر”.

وتاليا الفيديو: