صباح الخير دولة الرئيس
صباح الخير دولة الرئيس
كيف اخبار دولتك ، وكيف الصحة والعيال ، أنا متأكد أنك كنت بخير أفضل بكثيييييير قبل الآن ،كان وضع دولتك تمام بدون مراسم وتشريفات ، وكانت قراراتك من راسك في المحكمة الدولية مع شوية ضغوطات دولية ، بعين الله هاي حال الدنيا دولة الرئيس،لكن هون بدك تتحمل ضغط عالي 33000 فولت اذا مش أكثر .
دولة الرئيس تستطيع ان تكون أمهر طيار حربي في العالم ، وأمهر عالم نووي ، لكن لا تستطيع ان تكون طبيب عيون ،دولتك صحيح انسان سمعتك طيبة وحاصل على اعلى الشهادات العلمية في القانون وألّفت العديد من الكتب والأبحاث ووصلت الى أعلى الدرجات في القضاء ، لكن لا تعرف شيئا في السياسة ، وجاهل بحقيقة وطنك وما يحصل فيه ، أنت بعيييييد عن معنى السياسة لكن ورطوك أخيرا بالسياسة !!!
دولة الرئيس بما أنك الآن رأس الهرم السياسي ما كنت تعرف أنك أحضروك لتكون رئيس وزراء لوطن في غرفة الانعاش ، ووطن ينازع بين الحياة والموت ،ما الذي دهاك لتورط نفسك هذه الورطة ، أماما كنت تقرأ بصحفنا الصفراء ولا الحمراء إنه الفساد مستشري بكل مؤسسات الوطن من مراسلين وزاراتك مرورا بأصفر وأخضر .. ، ولا بتعرف انه مديونية دولتك 17 المليار ، يارجل حرام عليك شو ورطك بهيك ورطات .
دولة الرئيس أنصحك لاتأخذ مسكنات ولا مهدءات اذا بتعرف انه كل 3 دقايق بقع حادث في حرب اسمها حوادث السير وأمس ربك ستر بالمفتش العام شفت كلها مثل بعض ،ولا تنصدم اذا بتعرف انه 70% من شعبك عاجز جنسيا وفكريا لأنه مشغول بقضيته الأهم المدام، وانصحك لاتزور مركز الحسين للسرطان لأنك بدك بشاكير حتى تنشف دموعك لأنك قلبك رقيّق ،أما أمراض الضغط والسكري والقلب لا تسأل، الشرايين عند غالبية الناس مسكره مثل طرقنا ومليانه مطبات ونص راتب الشعب رايح علاجات وبارك الله بالديوان مش مقصر للمحسوبين عليه .
دولة الرئيس ربنا يعينك ويعطيك الصحة والسلامة صدقني ما بحب للمحترم يضع نفسه بمكان صعب ،شو خلاك تقبل بهيك منصب لا تحسد عليه ،كيف بدك تخلصنا من مشاكل الجامعات وشبيحتها ؟؟ والواسطة والمحسوبية كيف دولتك بدك تخلصنا من الخلافات(والطوش) العشائرية يوم بالشمال ويوم بالجنوب ويوم بالوسط ،كيف كيف يادولة الرئيس؟؟ .دولتنا مشكورة تجند عشرات الآلاف لحل مشكلة البطالة وبعدين اذا وقف التجنيد وين بدك تروح بالخريجين عشرات الآلاف كل فصل ، الشعب مشتهي اللحمة الكيلو بطناش نيره وما بشبع اثنين الي قبلك قطعوا الغنم بح من رخص العلف .
دولة الرئيس الشركات التي تم خصخصتها وانباعت شعبك بده يستردها لحكومتك على شان تلاقي رواتب تدفعها لموظفينك ،باعوها بتراب المصاري وبضحكوا على الشعب قال نستفيد منها الضرائب وبتشغل ايدي عامله هههههههه والمواطن ذكي ومصدق .
دولة الرئيس انت في بداية ربيع عربي وصار طول الربيع متر وبعض الدول حصدت وغمرت وباعت الغلة،وشو بدك تعمل النا مع سوريا كوزير دفاع اذا طلب منك تحشد قواتك مع العرب والغرب وتحتل درعا حتى دمشق ، اترك الجواب الك اكيد رح تستقيل ،ومن يومين باخرة انحرقت وباخرة هربت وطبعا رح تظل ساكت غصب عنك وبعدين تلقىّ بعد شوية رمي حجار على انك مقصر ،لكن تبقى شريف أكيد ،اعرفت ليش جابوك على شان تطلع قمر تضوي من مثل هيك قضايا ،ضحكوا عليك وقالوا الك معك كل الصلاحيات شكل حكومتك والوطن تحت أمرك انعشه ههههههه قلنا الك الوطن بالانعاش ،وصلاحياتك محدوده .
ياريت لمى تروّح تألف كتاب عن تجربتك المؤلمه ويكون عنوانه "أزمة الرئيس" وتقول الحقيقة للشعب انك مش صاحب قرار ولا بتقدر تحاكم فاسد ولا تقدم ملفه لمحكمة ولا قادر على الإصلاح وانه القضيه كلها ضحك على اللحى وانك اول واحد انخدع وانضحك عليك ، سولف للشعب وقلهم الي ما يشوف ما يصدق قلهم انه اللعبه أكبر مني ومنكم كون جريئ حينها دولة الرئيس واكشف المستور وخلي الشعب يوعى ويصحى ويعرف الصحيح الشعب مثلك دولة الرئيس لازال لا يعرف وطنه ولا يعرف انه غريب ويسكن بالأجرة .
صباح الخير دولتك والله نتمنى الك ولوطنا كل خير ولشعبنا كل حب وأمن وسلام واستقرار وأنا معذرك ومعذر الوطن لأنني أعرف هم أمتي ويمكن ربنا نور قلبي أكثر لمعرفة المخفي أكثرمنك وانت رئيس حكومتنا .
تصبح على خير دولتك بدي انام بدون مهدئ ولا مسكّن بس اذا قلقت من خوفي عليك يارب كون بالعون لعون .
كيف اخبار دولتك ، وكيف الصحة والعيال ، أنا متأكد أنك كنت بخير أفضل بكثيييييير قبل الآن ،كان وضع دولتك تمام بدون مراسم وتشريفات ، وكانت قراراتك من راسك في المحكمة الدولية مع شوية ضغوطات دولية ، بعين الله هاي حال الدنيا دولة الرئيس،لكن هون بدك تتحمل ضغط عالي 33000 فولت اذا مش أكثر .
دولة الرئيس تستطيع ان تكون أمهر طيار حربي في العالم ، وأمهر عالم نووي ، لكن لا تستطيع ان تكون طبيب عيون ،دولتك صحيح انسان سمعتك طيبة وحاصل على اعلى الشهادات العلمية في القانون وألّفت العديد من الكتب والأبحاث ووصلت الى أعلى الدرجات في القضاء ، لكن لا تعرف شيئا في السياسة ، وجاهل بحقيقة وطنك وما يحصل فيه ، أنت بعيييييد عن معنى السياسة لكن ورطوك أخيرا بالسياسة !!!
دولة الرئيس بما أنك الآن رأس الهرم السياسي ما كنت تعرف أنك أحضروك لتكون رئيس وزراء لوطن في غرفة الانعاش ، ووطن ينازع بين الحياة والموت ،ما الذي دهاك لتورط نفسك هذه الورطة ، أماما كنت تقرأ بصحفنا الصفراء ولا الحمراء إنه الفساد مستشري بكل مؤسسات الوطن من مراسلين وزاراتك مرورا بأصفر وأخضر .. ، ولا بتعرف انه مديونية دولتك 17 المليار ، يارجل حرام عليك شو ورطك بهيك ورطات .
دولة الرئيس أنصحك لاتأخذ مسكنات ولا مهدءات اذا بتعرف انه كل 3 دقايق بقع حادث في حرب اسمها حوادث السير وأمس ربك ستر بالمفتش العام شفت كلها مثل بعض ،ولا تنصدم اذا بتعرف انه 70% من شعبك عاجز جنسيا وفكريا لأنه مشغول بقضيته الأهم المدام، وانصحك لاتزور مركز الحسين للسرطان لأنك بدك بشاكير حتى تنشف دموعك لأنك قلبك رقيّق ،أما أمراض الضغط والسكري والقلب لا تسأل، الشرايين عند غالبية الناس مسكره مثل طرقنا ومليانه مطبات ونص راتب الشعب رايح علاجات وبارك الله بالديوان مش مقصر للمحسوبين عليه .
دولة الرئيس ربنا يعينك ويعطيك الصحة والسلامة صدقني ما بحب للمحترم يضع نفسه بمكان صعب ،شو خلاك تقبل بهيك منصب لا تحسد عليه ،كيف بدك تخلصنا من مشاكل الجامعات وشبيحتها ؟؟ والواسطة والمحسوبية كيف دولتك بدك تخلصنا من الخلافات(والطوش) العشائرية يوم بالشمال ويوم بالجنوب ويوم بالوسط ،كيف كيف يادولة الرئيس؟؟ .دولتنا مشكورة تجند عشرات الآلاف لحل مشكلة البطالة وبعدين اذا وقف التجنيد وين بدك تروح بالخريجين عشرات الآلاف كل فصل ، الشعب مشتهي اللحمة الكيلو بطناش نيره وما بشبع اثنين الي قبلك قطعوا الغنم بح من رخص العلف .
دولة الرئيس الشركات التي تم خصخصتها وانباعت شعبك بده يستردها لحكومتك على شان تلاقي رواتب تدفعها لموظفينك ،باعوها بتراب المصاري وبضحكوا على الشعب قال نستفيد منها الضرائب وبتشغل ايدي عامله هههههههه والمواطن ذكي ومصدق .
دولة الرئيس انت في بداية ربيع عربي وصار طول الربيع متر وبعض الدول حصدت وغمرت وباعت الغلة،وشو بدك تعمل النا مع سوريا كوزير دفاع اذا طلب منك تحشد قواتك مع العرب والغرب وتحتل درعا حتى دمشق ، اترك الجواب الك اكيد رح تستقيل ،ومن يومين باخرة انحرقت وباخرة هربت وطبعا رح تظل ساكت غصب عنك وبعدين تلقىّ بعد شوية رمي حجار على انك مقصر ،لكن تبقى شريف أكيد ،اعرفت ليش جابوك على شان تطلع قمر تضوي من مثل هيك قضايا ،ضحكوا عليك وقالوا الك معك كل الصلاحيات شكل حكومتك والوطن تحت أمرك انعشه ههههههه قلنا الك الوطن بالانعاش ،وصلاحياتك محدوده .
ياريت لمى تروّح تألف كتاب عن تجربتك المؤلمه ويكون عنوانه "أزمة الرئيس" وتقول الحقيقة للشعب انك مش صاحب قرار ولا بتقدر تحاكم فاسد ولا تقدم ملفه لمحكمة ولا قادر على الإصلاح وانه القضيه كلها ضحك على اللحى وانك اول واحد انخدع وانضحك عليك ، سولف للشعب وقلهم الي ما يشوف ما يصدق قلهم انه اللعبه أكبر مني ومنكم كون جريئ حينها دولة الرئيس واكشف المستور وخلي الشعب يوعى ويصحى ويعرف الصحيح الشعب مثلك دولة الرئيس لازال لا يعرف وطنه ولا يعرف انه غريب ويسكن بالأجرة .
صباح الخير دولتك والله نتمنى الك ولوطنا كل خير ولشعبنا كل حب وأمن وسلام واستقرار وأنا معذرك ومعذر الوطن لأنني أعرف هم أمتي ويمكن ربنا نور قلبي أكثر لمعرفة المخفي أكثرمنك وانت رئيس حكومتنا .
تصبح على خير دولتك بدي انام بدون مهدئ ولا مسكّن بس اذا قلقت من خوفي عليك يارب كون بالعون لعون .