وظيفة شاغرة..
- ابو يحيى: ابن ليمن أنت؟
- الشاب: ابن محمد
- ابو يحيى: محمد مين..؟
- الشباب: محمد العودة..
-ابو يحيى: هسع بندفك بالخمسة كيلو..مين محمد العودة ولك؟..
-الشاب: محمد عودة الامزط..
-ابو يحيى: أمك فريال؟
-الشاب: فريال مرة عمي خالد..أني ابن انتصار..
-ابو يحيى: منين خوالك؟
-الشاب: جدي أبو زكي دعدورة!.
-ابو يحيى: بتدخن؟
-الشاب: لا
- ابو يحيى: عندك روحة جيّة..طلعات عبرات..دشارة..همالة لف دوران..ايدك خفيفة..؟؟
- الشاب: لا والله عمي..أني قاعد بالدار.
- ابو يحيى: بتصلي؟
- الشاب: الحمد لله..
-ابو يحيى: بتسمع غناني.؟
-الشاب: خفيف
-ابو يحيى: بتحضر بدوي؟
-الشاب: بموت عليه..
-ابو يحيى: عمرك سرقت زغاليل..فلّيت بـ»صوص»..انهزمت بــ»بيضة»..قدحت بس حجر؟!
-الشاب: مش فاهم؟
-ابو يحيى: خلص روح روح ..بسأل عنك..وبرد خبر لجدك هاليومين..
-الشاب: ول هي باقية وظيفة دولة..كلني شقفة شغيل..
-أبو يحيى: ولا... شو بتفكرني (.... )..حبيبي هاي دكانة قد الدنيا.. مش حيا الله..!!..قبّ من هون...يسعد شدوق عودة الأولاني!
ahmedalzoubi@hotmail.com